रामेछाप,१५ पुष । शिक्षक परोपकार बचत तथा ऋण सहकारी संस्थाले गत आर्थिक वर्षमा २ लाख ३४ हजार रुपैया नाफा कमाएको छ । सो कुरा बिहिबार मन्थलीमा सम्पन्न सहकारीको दशौ साधारण सभाका अबसरमा कोषाध्यक्ष मेघ प्रसाद भट्टराइले जानकारी गराउनु भएको हो । उहाले संस्थाको आर्थिक प्रतिबेदन पेश गर्दै ३२७ जना शेयर सदस्यहरुबाट संकलित बचत रकम परिचालन गरी शेयर पुँजी रु १४ लाख ७१ हजार ५ सय रुपैया भएको कुल बचत रु ६३ लाख ५५ हजार ४१ रुपैया भएको र ६० लाख २३ हजार ७ सय ऋण लगानी भएको बताउनुभयो ।
सहकारीका अध्यक्ष लक्ष्मण कुमार घिमिरेको अध्यक्षतामा सम्पन्न उक्त साधारण सभाको उद्घाटन मन्थली नगरप्रमुख रमेश कुमार बस्नेतले गर्नुभएको थियो ।
सो अससरमा उहाले नगर भित्र भएका १०९ वटा सहकारी संस्था मध्ये ५५ वटा सहकारीहरु बेखबर रहेकोले उनीहरुलाई नियमन गर्ने काममा आफु लागिपरेको बताउनुभयो । उहाँले आफुले शहकारीको आधारशिला खडा गर्ने तयारी गरिरहेको भन्दै कमजोर सहकारीहरुलाई मर्ज को प्रकृयामा लैजान पनि अनुरोध गर्ने बतउनुभयो ।
कार्यक्रमका अबसरमा नेपाली काग्रेस का प्रदेश अधिबेशन प्रतिनिधि गुञ्जबहादुर श्रेष्ठ, जिल्ला कार्यसमितिका सदस्य नवराज घिमिरे, जिल्ला शिक्षा तथा समन्वय इकाइका कार्यालय प्रमुख भरत भट्टराई, नेपाल पत्रकार महासंघ रामेछापका अध्यक्ष बद्रि नयाँघरे लगाएतले आ –आफ्नो मन्तब्य राख्नु भएको थियो । साधारण सभाको बन्द सत्रले सचिब कमाला श्रेष्ठ द्धारा प्रस्तुत सांगठनिक प्रतिबेदन र कोषाध्यक्ष मेघ प्रसाद भट्टराइ द्धारा प्रस्तुत आर्थिक प्रतिबेदन पास गरी बिधानका केहि बुँदाहरु समेत संसोधन गर्ने निर्णय गरेको छ । कार्यक्रमका अबसरमा उत्कृष्ठ बचत कर्ता र उत्कृष्ठ ऋणिलाई सम्मान गरिएको थियो ।
यो बारेमा तपाईको प्रतिकृया