रामेछाप,२० चैत । “मार्यादित ब्यवसाय र प्रबिधिमा सहकारी” भन्ने मूल नाराका साथ राष्ट्रिय सहकारी दिवस आज विबिध कार्यक्रमका साथ मन्थलीमा मनाइएको छ ।
बाजागाजा र सहकारी सम्बन्धी बिभिन्न नाराहरु लेखिएको ल्पे कार्ड र बाजागाजा सहितको ¥यालीले मन्थली बजारका बिभिन्न भागहरु परिक्रमा गरी वसपार्कमा पुगेर नवरजागरण बचत तथा ऋण सहकारी संस्थाले स्थापना गरेको ए टि एम को उद्घाटन पछि गुम्बाहलमा प्रवचन कार्यक्रम गरिएको थियो ।
जिल्ला सहकारी संघका अध्यक्ष हिमाल ढुंगेलको अध्यक्षतामा सम्पन्न उक्त कार्यक्रमको उद्घाटन कार्यक्रमका प्रमुख अथिति एबं मन्थली नगरपालिकाका नगर प्रमुख रमेश कुमार बस्नेतले गर्नु भएको थियो ।
जिल्लाका बिभिन्न बचत तथा ऋण सहकारी संस्थाका आ–आफ्ना ब्यानर सहितको ¥यालीमा सम्बन्धित सहकारीका कर्मचारीहरु र सञ्चालक समितिका पदाधिकारी एबं सदस्यहरु र अन्य सरोकारवाला निकायका प्रमुख एबं प्रतिनिधिहरुको समेत सहभागिता रहेको थियो ।
सो अवसरमा नगर प्रमुख बस्नेत, प्रमुख जिल्ला अधिकारी दिपक पहाडी, जिल्ला बचत संघका अध्यक्ष जगन्नाथ दाहाल, पत्रकार महासंघ रामेछापका अध्यक्ष बद्री नयाँघरे,जिल्ला सहकारी संघका उपाध्यक्ष श्याम थापा लगाएतले आ–आफ्नो मन्तब्य राख्नुभएको थियो ।
यो बारेमा तपाईको प्रतिकृया