रामेछाप, २२चैत । यहि बैशाख ३० गते हुने स्थानीय तहको निर्बाचनमा जिल्लाभरी गठबन्धन हुनेमा शंका नगर्न नेपाली काँग्रेसका सभापति पूर्ण बहादुर तामाङ, कान्छाराम ले बताउनुभएको छ ।
सो कुरा मन्थली नगरपालिका वडा नं–७ मा आयोजित एक कार्यक्रमका अबसरमा उहाले सो कुरा बताउनुभएको हो । उहाले भन्नुभयो– “मन्थली नगरपालिका सहित सबै पालिकामा गठबन्धन हुन्छ तर गठबन्धन हुँदा पनि यहाको वडा अध्यक्षको एकमात्र उमेद्धवार भुवन हरि प्रसाई नै हो अरु वडामा माओवादीलाई वडा अध्यक्ष दिए पनि यो वडामा वडा अध्यक्षमा भुवनहरी प्रसाई भन्दा बाहेक अरुपार्टि वा ब्यक्तिलाई वडा अध्यक्षमा सम्झौता गर्ने टिकट दिने काम म बाट हुन्न यसमा शंका नगर्नुस ।”
भटौलीको माझी समुदायमा खानेपानीको अभाव भएपछि वडा वाट केहि रकम परेको तर त्यसले मात्र योजना सम्पन्न गर्न नसकेपछि दातृ निकाय खोजी गर्नेक्रममा नेपाली काँग्रेसका निवर्तमान वडा सभापति भुवनहरी प्रसाइको पहलमा कान्छाराम तामाङले यस समुदायमा पानी खुवाउन आबश्यक पाइप, मिटर र साविकको वडा न ७,८ र ९ मा बाटो सफा गर्न जे सि बि डोजर पठाइदिने प्रतिबद्धता ब्यक्त गर्नु भयो ।
खानेपानीका लागि आबश्यक पर्ने पाइपहरु मध्ये हाल काम गर्दै गर्नका लागि उहाले उपलब्ध गराउनुभएको ५० एम एम को ४ क्वाइल पाईप भटौली लिफ्ट खानेपानी तथा सरसफाई उपभोक्ता समितिका अध्यक्ष हर्क बहादुर माझीलाई पार्टि सभापति तामाङले हस्तान्तण गर्नु भएको थियो ।
उहाले वडा देखि नगरपालिका, प्रदेश र संघमा समेत नेपाली काँग्रेसको रुख चिन्हमा भोट हालेर काँग्रेस पार्टिलाई जिताइदिने हो भने करोडौका बजेट भटौलीमा आफुले ल्याउने प्रतिबद्धता समेत ब्यक्त गर्नुभयो ।वडा पार्टि सभापति वल बहादुर तामाङ को अध्यक्षतमा सम्पन्न उक्त कार्यक्रममा पार्टि सभापति, प्रबक्ता नारायण बोगटि, महाधिबेशन प्रतिनिधि शुक्र माझी, जिल्ला कार्यसमिति सदस्य राम बिलास महतो मनोनित सदस्य चिना कार्की, लगाएतको उपस्थिति रहेको थियो ।
सो अबसरमा हर्क बहादुर माझी, वडाका निवर्तमान सभापति भुवनहरी प्रसाई वडाको समस्या र समाधानका उपाय सहित समसामयिक बिषयमा मन्तब्य राख्नुभएको थियो । यसैबिच कार्यक्रम पछि बसेको वडा कार्य समितिको बैठकले निवर्तमान वडा सभापति भुवनहरी प्रसाईलाई वडा अध्यक्षमा सर्बसम्बत रुपमा निर्णय गरेको छ ।
यो बारेमा तपाईको प्रतिकृया