१६ जना मतदाता १८ जना उमेद्वार

रामेछाप, २७ जेठ । जिल्ला समन्वय समिति रामेछापको आइतवार हुने निर्बाचनका लागि १६ जान सँग मतको अपेक्षा गर्दै १८ जनाले मनोनयन दाखिला गरएका छन ।
१६ जनाले मत हाल्न पाउने उक्त निर्बाचनमा नेपाली काँग्रेस र माओवादीको गठबन्धन गरी ९ जना र नेकपा एमाले एक्लैले ९ जनाको उमेद्वारी दर्ता गराएपछि उमेद्वारको संख्या १८ पुगेको हो ।
१८ जना उमेद्वार मध्ये ९ जनालाई रामेछाप जिल्लाका ८ वटा पालिकाका प्रमुख र उपप्रमुख एबं अध्यक्ष र उपाध्यक्ष गरी कुल १६ जनाले मतदान गर्ने छन् ।
गठबन्धनको तर्फबाट जिसस प्रमुखमा नेपाली काँग्रेसबाट चिना खड्का कार्कीले प्रमुखमा र नेकपा माओवादी केन्द्रका प्रेम बहादुर (प्रेम सागर) थापाले उप प्रमुख मा मनोनयन दाखिला गरेका हुन । बाँकी रहेका ७ वटा सदस्यहरुमा नेपाली काँग्रेसको तर्फबाट बाबुलाल योन्जन, बीर बहादुर कार्की, अनिषा माझी र नेकपा माओवादी केन्द्रको तर्फबाट हिरा कुमारी गिरी, डम्बर कुमारी रसाइली,बिन्दा सार्की र बिक्रम थापा मगरले उमेद्वारी दर्ता गराएका हुुन ।
त्यसैगरी नेकपा एमाले एक्लैले तुल प्रसाद कडेललाई प्रमुख र साबित्री सुनुवार लाई उप प्रमुखका लागि मनोनयन दर्ता गराएको छ । अन्य ७ जना सदस्यमा मनोनयन गर्नेहरुमा भोजराज कडरिया, कृष्ण बहादुर कार्की, बाला काजी श्रेष्ठ, लाछिरी शेर्पा, सिर कुमारी श्रेष्ठ, सुमित्रा सुनुवार र उर्मिला मुग्रातीले उमेद्वारी दर्ता गराएका हुन ।
१६ मतदाता मध्ये चुनाब जित्नका लागि ९ मत चाहिन्छ जस मध्ये ७ मत नेपाली काँग्रेस र ३ मत नेकापा माओवादी केन्द्र सँग हुँदा कुल मत १० हुने हुन्छ । उता एमालेको भने ६ मत रहेको छ । अध्यक्ष पदकि उमेद्वार चिना कार्की खड्का जिल्ला समन्वय समितिको अध्यक्ष हुने पक्का भएको हो । उहा सँगै नेपाली काँग्रेको तर्फबाट बाबुलाल योन्जन, बीर बहादुर कार्की, र अनिषा माझी ले पनि उमेद्वारी दर्ता गराएका छन् ।
जो जो उमेद्वार हुन् उनीहरुको मताधिकार छैन मताधिकार भएको पदाधिकारी उमेद्वार हुन पाउदैन । जिससको उमेद्वार बन्नका लागि वडाबाट वडा सदस्य निर्बाचित भई आउनु पर्ने हुन्छ । तर उनीहरुलाई मत हाल्नका लागि ८ वटै पालिकाका प्रमुख र उपप्रमुखले मात्र पाउने ब्यवस्था रहेको छ ।
त्यसो गाउकार्यपालिकामा मनोनित हुने ६ जना मध्ये समाबेसी २ र खुल्ला महितला ४ जना, नगरकार्यपालिकामा हुने ३ जना समाबेसी र ५ जना खुल्ला महिला सहित ८ जना मध्ये समाबेसी तर्फका मनोनित हुने गा.पा. मा २ र न.पा.मा ३ जनाको भने मताधिकार हुँदैन ।
आफु भोट हाल्न नपाउने र अरुको भोट ले ९ जनानै जित्नुपर्ने नियम स्थानीय तह (जिसस) गठन सम्बन्धि निर्देशिका मा रहेको छ । त्यसैगरी गा.पा र न पा मा पनि क्रमशः २ र ३ जनालाई अरुले भोट हालेर जिताउनु पर्ने तर आफ्नो मताधिकार भने नरहने ब्यवस्था छ ।