रामेछाप,२ भदौ । रामेछाप जिल्लाको गोठगाँउ स्थायी ठेगाना भएका मन्थलीका ब्यवसायि पवन कठाएत आफ्नै भतिजी बुहारीलाई जबर्जस्ती करणी गर्न खोजेको आरोपमा पक्राउ परेका छन् ।
रामेछाप उद्योग बाणिज्य संघका कोषाध्यक्ष समेत रहेका ब्यवसायि कठायत लाई सो अभियोगमा बुधबार सदरमुकाम मन्थली बजारबाट प्रहरीले पक्राउ गरेको हो ।
आफ्नै भतिजी बुहारी बिनु यादवले मन्थली नगरपालिका– १ मा रहेको आफ्नै घरमा जबर्जस्ती करणी गर्न खोजेको भन्दै कठायतविरुद्ध गत साउन १५ गते रामेछाप प्रहरीमा किटानी जाहेरी दिएका कारण निजलाई थप अनुुसन्धानका लागि प्रहरीले हिरासतमा लिएको हो ।
बुहारीले आफुबिरुद्ध प्रहरीमा जबरजस्ती करणी सम्बन्धि जाहेरी दर्ता गराएको थाहा पाएपछि कठायत फरार भएका थिए । फरार रहेका कठायतलाई सुराकीको आधारमा सदरमुकाम मन्थलीबाट बुधबार पक्राउ गरेको जिल्ला प्रहरी कार्यालय रामेछापका प्रहरी नावय उपरीक्षक राजकुमार थिङले जानकारी दिनु भयो ।
झण्डै १ महिना अघि रामेछाप जिल्ला अदालतबाट कठायतका भतिज प्रदीप कठायत र बुहारी बिनु यादवबिच सम्बन्ध विच्छेदको फैसला भएको थियो । अदालतले जबरजस्ती आफ्नो श्रीमान सँगको सम्बन्ध बिच्छेद गराएको भन्दै अदालत भित्रै विनु यादवले बिष सेवन गरेकी थिइन ।
बिष सेवन पछि तत्काल उनलाई मन्थलीमा रहेको तामाकोशी अस्पतालमा उपचार पछि थप उपचारको लागि काठमाण्डौं लगिएको थियो । यादवलाई उनका काका ससुरा कठायतले अदालतले आज हाम्रो पक्षमा फैसला हुँदैछ, भन्दै आफु एक्लै बसिरहेको कोठामा पसि बलात्कार गर्न खोजेको र आफु बलात्कार प्रयासबाट उम्कन सफल भएको भन्दै बुहारी यादवले प्रहरीमा जाहेरी दर्ता गराएकी थिइन ।
आरोपित कठायत र उनका परिवारले भने यो आरोप सत्य नभएको र आफ’लाई प्रहरीले पक्राउ गरिएको नभई अनुसन्धान कार्यलाइ सहयोग गर्न आफै प्रहरी कार्यालय गएको र आफ्नो चरित्र हत्या गर्न कोहि कसैको उक्साहटमा मुद्दा हाल्न लगाइएको बताइरहेका छन् ।
पक्राउ परेका कठायतलाई बुधबार नै रामेछाप जिल्ला अदालतबाट म्याद थप गरी प्रहरी हिरासतमा राखेर थप अनुसन्धान अघि बढाइएको र आरोपी दोषी हुन या हैनन भन्ने कुरा अनुसन्धान पछि मात्र थाहा हुने प्रहरी नायव उपरीक्षक राजकुमार थिंङ्गले बताउनुभयो ।
यो बारेमा तपाईको प्रतिकृया