१४ असार, २०७६
रामेछाप- रामेछापको लिखुतामाकोशी गाउँपालिका वडा नं १ दुरागाउँमा सुमो दुर्घटना हुँदा सुमो चालकको मृत्यु भएको छ भने वडा अध्यक्ष घाइते भएका छन् ।
शनिबार बिहान दुरागाउँबाट दुरागाउँकै फेदी तर्फ जाँदै गरेको सुमो दुर्घटनामा चालक क्याल्बु तामाङको घटना स्थलमै मृत्यु भएको र लिखुतामाकोशी गाउँपालिका वडा नं. १ का वडा अध्यक्ष निमङमर तामाङ घाइते भएको वडा नं २ का वडा अध्यक्ष पदम तामाङले जानकारी दिनुभयो । घाइते वडा अध्यक्षलाई उपचारको लागि सदरमुकाम मन्थली तर्फ ल्याइदै गरेको पनि वडा अध्यक्ष तामाङले जानकारी दिनुभयो । मृतक चालक पनि दुरागाउँकै रहेका छन् ।
वडा अध्यक्ष तामाङका अनुसार शनिबार बिहान साँढे सात बजेको समयमा ना ४ च ६२०५ नं सुमो उकालो सडक चढ्ने क्रममा सडकबाट करिब ५० मिटल तल खसेको थियो । सुमोमा दुई जना मात्रै रहेकाले ठूलो मानविय क्षति नभएको वडा अध्यक्ष तामाङको भनाई रहेको छ ।
दुर्घटना स्थलमा प्रहरी पुगेर दुर्घटनाको बारेमा थप अनुसन्धन गरीरहेको जिल्ला प्रहरी कार्यालय रामेछापका प्रहरी प्रबक्ता शेख अदालतले जानकारी दिनुभयो ।
यो बारेमा तपाईको प्रतिकृया