प्रदेश स्तरीय भलिबल खेलको उपाधि चितवन लाई

रामेछाप,माघ ७ गते ।बुधवार देखि रामेछापको मन्थलीमा जारी बागमती प्रदेश स्तरीय भलिबल प्रतियोगिताको उपाधि चितवनले हात पारेको छ ।

शनिवार भएको फाइन खेलमा रामेछापलाई पराजित गर्दै उपाधि हात पारेको हो । चितवनले रामेछापलाई पहिलो र दोस्रो र तेस्रो सेटमा २५–१८, २५–१८ र २५–२३ ले पराजित गरेको हो । उक्त खेलमा पहिलो हुने चितवनको टिमलाई प्रथम पुरस्कार स्वरुप नगद २ लाख सहित ट्रफि, मेडल र प्रमाणपत्र बितरण गरिएको थियो ।
पुरस्कार नेकपा एमालेका नेता एव पूर्व मन्त्री भानुभक्त ढकालको प्रमुख आतिथ्यमा सम्पन्न उक्त खेलको समापन समारोहमा उहाले पुरस्कार बितरण गर्नु भएको थियो ।
दोस्रो पुरस्कार बापद रायोजक जिल्ला रामेछापले नगद १ लाख सहित ट्रफि, मेडल र प्रमाणपत्र पाएको छ भने तेस्रो भएको सिन्धुपाल्चोकल नगद ५० हजार सहित ट्रफि, मेडल र प्रमाणपत्र पाएको छ त्यसैगरी सान्त्वना भएको धादिङले ३० हजार नगद पुरस्कार पाएको आयोजक नेकोस वागमती प्रदेश कमिटिका अध्यक्ष सिताराम कार्कीले बताउनुभयो ।