२९ साउन, २०७६
रामेछाप- स्थानीय तहको निर्वाचनमा काग्रेसबाट उमेद्धार भई पालिकामा पराजित भएका काग्रेसका उमेद्धारहरुले जिल्लाका सात ओटै स्थानीय सकारकारका प्रमुखहरुलाई अहिलेको अबस्थाबाट नसच्चिए संवैधानिक निकाय नै जाने चेतावनी दिएका छन् । बुधवार एक बिज्ञप्ती मार्फत नेपाली काग्रेस प्रतिपक्षमा रहेर बितेको २ बर्ष सम्म परीक्षण कालका रुपमा लिई स्थानीय सरकारलाई सुध्रिनको लागि सुझाब दिँदा दिँदै पनि त्यसको बेवास्त गरेकाले अब स्थानीय सरकारका गल्ती तथा कमीकमजोरीलाई जनता माझ लैजाने र त्यति गर्दा पनि सरकार नसच्चिए प्रशाशनिक तथा संवैधानिक निकायमा नै जाने चेतवानी दिएको हो ।
सातै स्थानीय तहमा पराजित उम्मेद्धारहरुद्धारा हस्तक्षरित बिज्ञप्तीमा हाल सम्मको काग्रेको सालिनता र मौनता र धैर्यता लाई कमजोरीका रुपमा लिदै बेला बखत अब काग्रेस छैन सकियो भन्ने जस्ता अभिब्यक्ति दिनु र चरम दम्भ र अहंकारको आडमा गरिएका यस्ता नकरात्मक टिप्पणी प्रति काग्रेसका तत्कालिन उमेद्धार हरुले खेद प्रकट गरेको उल्लेख गरिएको छ ।
बिज्ञप्तीमा स्थानीय तह भ्रष्टाचारले तहस नहस भएको, बिधि बिधान र कानुनलाई पालना नगरिएको, स्थानीय प्रमुखहरु नायाँ राजा जस्तो लाग्न थालेको र आफ्नो मानसिकतामा प्रतिपक्षि बिहिन भूत सबार भएपछि जनप्रतिनिधिहरुको मनोमानिको हद नाघेको हुनाले अब आइन्दा यस्ता क्रियाकलाप नगर्न र ऐन नियम अनुसारक पादरदर्शी ढंगबाट काम गर्न समेत अनुरोध गरिएको छ ।
नेपाली काग्रेसको तर्फबाट उमेद्वार बनेका मन्थली नगरपालिकाका बिनोद कार्की, सुनापाति गाउँपालिकाका जितेन्द्र मोक्तान, लिखुतामाकोशी गाँउपालिकाका चन्द्र बहादुर राउत, उमाकुण्ड गाँउपालिकाका हिक्मत सुनुवार, खाँडादेवी गाउँपालिकाका बेदराज लामा, दोरम्बा गाँउपालिकाका मान बहादुर लामा र गोकुलगंगा गाउपालिकाका नानिबाबु बस्तेतले बिज्ञप्तीमा सामुहिक रुपमा हस्ताक्षर गरेका छन ।
उनीहरुले बिज्ञप्ती मार्फत स्थानीय सरकारको क्षेत्राधिकार भन्दा बाहिर गई बिभेदपूर्ण रुपमा सरुवा गरेको, डहु माबि बेथामा शिक्षको हत्या हुँदा समेत स्थानीय सरकाले सत्य तथ्य छानबिनका लागि तदारुकता नदेखाएको, खाँडादेवी गाउँपालिकाको वडा नं ३ को कार्यालयमा भएको बम बिस्फोट र लिखुतामाकोशी गाउँपालिकाको आर्थिक लेनदेनको बिषयलाई लिएर भएको गोलि काण्ड प्रति खेद ब्यक्त गर्दै यि र यस्ता घटनाको निष्पक्ष छानबिन गरी दोषि उपर कडा कारबाहिको माग समेत गरेका छन् ।
बिज्ञप्तीमा कतिपय पालिकारु आफना–आफन्तहरु भर्ना गर्ने भर्ति केन्द्र बनाइएको, स्थानीय तहका वडा अध्यक्षहरुले आफै बजेट बिनियोजन गर्न लगाई आफ्नै डोजर र टिफर प्रयोग गरी आफै धामी आफै बिरामीको नाटक गर्दा भ्रष्टाचार भएको देखिएकोले यस्ता गतिबिधिहरु तुरुन्त बन्द गरी लोतान्त्रिक मुल्य र मान्यता अनुसार कार्य सन्चालन गर्न अनुरोध गरिएको छ । यदि यो अनुरोधलाई स्वीकार नगरे पालिका मार्फत भए गरेका सबै बिषको भण्डाफोर गर्दै प्रशाशनिक र संवैधानिक निकायमा जान बाध्य हुने समेत उल्लेख गरिएको छ ।
यो बारेमा तपाईको प्रतिकृया