२६ भदौ, २०७६
मन्थली- केन्द्रिय निर्देशन अनुसार नेपालभर एकै साथ जागरण अभियान सुरु गरेको नेपाली काग्रेस रामेछापले दोस्रो चरणको जागरण अभियानलाई जागरुक बनाउने घोषणा गरेको छ । उसले साविकको दुई वटा क्षेत्र हालको प्रदेशसभा ‘क’ को उमाकुण्ड गाउँपालिकाको केन्द्रमा र प्रदेशसभा ‘ख’ को मन्थली–१० चनखुमा मंगलबार जागरण सभाको आयोजना गरि जिल्लाव्यापि रुपमा जागरण अभियान आरम्भ भएको घोषणा गरेको थियो ।
२ महिना अघि जिल्लाको ६४ वटा वडामा कार्यक्रम गरेको काग्रेसले दोस्रो चरणमा ८ ओटै स्थानीय तहमा जागरण अभियान गर्ने कार्यक्रम तय गरेको छ । विहिवार केन्द्रिय प्रतिनिधि देवी न्यौपानेको उपस्थीति र पार्टी सभापति लवश्री न्यौपानेको अध्यक्षतामा बसेको जिल्ला समितिको बैठकले केन्द्रले तय गरेका कार्यक्रम अनुसारनै जिल्ला र स्थानिय तहमा कार्यक्रमलाई प्रभावकारी र उपलब्धीमूलक बनाउने गरी असोज ३ गतेबाट दुई नगरपालिका र कार्यक्रम गर्न बाँकी ४ ओटा गाउँपालिकामा कार्यक्रम गर्ने कार्य तालीका तय गर्ने निर्णय गरिएको पार्टी सचिब लेख बहादुर कार्कीले बताउनुभयो ।
उहाँका अनुसार बिहिबार बसेको जिल्ला कार्यसमितिको बैठकले प्रदेशसभा ‘क’ मा ४ गते गोकुलगंगा गाउँपालिकाको बेतालीमा, ५ गते लिखुतामाकोशी गाउँपालिकाको धोवि बजार र ६ गते रामेछाप नगरपालिकाको रामेछाप बजारमा गरिने छ । त्यस्तै प्रदेशसभा ‘ख’ मा ३ गते दोरम्बा गाउँपालिकाको थाम चउरमा, ४ गते सुनापती गाउँपालिकाको दिमिपोखरीमा, ५ गते खाँडादेबी गाउँपालिकाको माकादुम र ६ असोजमा मन्थली नगरपालिकामा अगुवा कार्यकर्ता विच अन्र्तक्रिया कार्यक्रम समेत संचालन गर्नका लागि नेताहरुलाई आवश्यक जिम्मेवारी दिएको छ । त्यस्तै असोज ७ गते जिल्लामा विरोध ¥याली गरेर भैसेस्वर चोकमा कोणसभा गरि कार्यक्रम सम्पन्न गरिने कार्यक्रम समेत तय भएको छ ।
गाउँपालिका र नगरपालिकामा गरिने सबै कार्यक्रममा पार्टिको सांगठनिक अवस्था नेता तथा कार्यकर्ताहरुको जिम्मेवारी र सक्रियताको अवस्था र सुधार गर्नु पर्ने पक्ष आदिका बारेमा छलफल गरि पार्टीको संगठनलाई सुदृढीकरण र सुद्धिकरणमा जागरण अभियानलाई लक्षित गर्नेगरि कार्यक्रम तय भएको छ ।
त्यैसैगरि जागरण अभियानमा विगतमा नेपाली काँगे्रसको सरकारले गरेका राम्रा कामको प्रचार प्रसार गर्नुका साथै वर्तमान कम्युनिस्ट सरकारले केन्द्र, प्रदेश र स्थानिय निकायमा गरेका गलत काम, भ्रष्टाचार, विकृति जस्ता गतिविधिहरुको बारेमा शसक्त ढंगले प्रतिकार गर्न बैठकले निर्देशन दिएको पनि सचिब कार्कीले जानकारी गराउनुभयो ।
यो बारेमा तपाईको प्रतिकृया