रामेछाप । नेपाली काँग्रेस रामेछापले पनि महामानव विश्वेश्वर प्रसाद कोइरालाको १०७ औँ जन्म जयन्ति मनाएको छ । नेपाली काँग्रेस जिल्ला कार्यसमिति रामेछापले आफ्नो पार्टि कार्यालयमा चियापान,माल्यार्पण तथा बिचार गोष्ठिको अयोजना गरी जन्म जयन्ति मनाएको हो ।
नेपाली काँग्रेसका जिल्लामा उपलब्ध नेता तथा कार्यकर्ताहरुको उपस्थितिमा बिपीको तस्वीरमा माल्यार्पण गरिनुका साथै प्रबचन र चियापान कार्यक्रम गरिएको थियो ।
कार्यक्रमका अबसरमा नेपाली काँग्रेस महासमिति सदस्य निर्मला घिमिरे, महाधिबेशन प्रतिनिधि कृष्ण बहादुर महत, जिल्ला कार्य समिति कोषाध्यक्ष कुमार श्रेष्ठ, मन्थली शहिद स्मृति बहुमुखी क्याम्पसका पूर्ब क्याम्पस प्रमुख गुञ्ज बहादुर श्रेष्ठ लगाएतले विपी को योगदानको बारेमा चर्चा गर्नु भएको थियो । उहाहरुले विपीको मेलमिलापको नीतिलाई सबै पार्टिले आत्मसाथ गरिसकेको भएपनि नेपाली काँग्रेस भित्र त्यो नीति लागु नभएको भन्दै पार्टि भित्र देखिएको गुट उपगुटले पार्टिलाई कहिल्यै फाइदा नपुग्ने भएकाले काँग्रेस एक ढिक्का भएर अगाडि बढ्नु पर्ने कुरालाई जोड दिनुभयो ।
विपीको जन्म जयन्ति भब्य रुपले मनाउने इच्छा हुँदा हुँदै पनि मुलुकमा कोभिड–१९ को महामारी फैलिरहेको बेला पर्याप्त मानिसहरु जम्मा गर्ने अबस्था नभएका कारण सामान्य कार्यक्रम गरी जन्म जयन्ति मनाइएको कार्यक्रमका संयोजक एबं नेपाली काँग्रेस जिल्लाकार्य समितिका कोषाध्यक्ष कुमार श्रेष्ठले बताउनुभयो ।
यस अघि बुधबार बिहान गिरिजा प्रसाद कोइराला फाउन्डेशनको अगुवाईमा मन्थलीमा रहेको बिपीको शालिकमा माल्यार्पण र शालिक परिसरमा सरसफाई गरी बिपीलाई सम्झना गरिएको थियो ।
यो बारेमा तपाईको प्रतिकृया