२४ बैशाख, २०७६
रामेछाप- नेपाली काग्रेसका बरिष्ठ नेता रामचन्द्र पौडेलले कम्युनिष्ट सरकारले मुलुकलाई भ्रष्टचारमा चुर्लुम्म डुबाएको आरोप लगाउनु भएको छ । बरिष्ठ नेता पौडेलले सरकारले देशको अख्तियार देखि सर्वोच्च अदालत सम्मका निकायलाई आफ्नो प्रभावमा पारेर मुलुकमा अराजक मच्चाउँदै आफ्ना नेता तथा कार्यकर्तालाई मोजमस्तीमा लगाएर मुलुकलाई भ्रष्टचारमा डुबाएको आरोप लगाउनु भएको हो ।
मंगलबार रामेछापमा नेपाली काग्रेसका नेता भरत प्रसाद चौलागाँईले निःशुल्क रुपमा उपलब्ध गराएको शब वहान हस्तान्तरण कार्यक्रममा बोल्दै नेता पौडेलले यस्तो आरोप लगाउनुभएको हो ।
कम्युनिष्ट पार्टीका प्रभाबसाली नेताको नाम भ्रष्टचारमा जोडिएर आउदा समेत प्रधानमन्त्री आफैले उनीहरुको कुनै संलग्ता छैन भन्नुले भ्रष्टचारी जोगाउने खेलमा प्रधानमन्त्री आफै लागको आरोप समेत बरिष्ठ नेता पौडेलले लगाउँनु भयो ।
त्यस्तै कार्यक्रममा बोल्दै काग्रेस नेता डा. रामशरण महतले नेपाली काग्रेसले ल्याएको समृद्धिको नारामा अहिलेको सरकार भाषण गर्दै हिडेको बताउनुभयो । अहिले राष्ट्र ऋणमा डुब्न लागेको कुरालाई जनता समु ढाकछोप गर्दै काग्रेस सरकारले बिगतमा सुरु गरेका कामलाई मेरो सरकाले गरेको हो भनेर सस्तो प्रचारबाजीमा अहिलेको सरकार अल्झिएको बताउनुभयो ।
जिल्लामा जनताको मन जित्दै चौलागाँई
शैक्षिक अभियान्तको रुपमा आफ्नो पहिचान बनाउनुभएका भरत प्रसाद चौलागाँई पछिल्लो समय समाजसेवमा लागे सँगै जनातको मन जित्न थाल्नु भएको छ ।
जिल्लाको भिन्न विद्यालयहरूमा निःशुल्क रुपमा विद्यार्थीहरुलाई शैक्षिक सामाग्री वितरण गर्दै आउनु भएका चौलागाईले मंगलबार रामेछाप नगरपालिकालाई शब वहान उपलब्ध गराएर जनाता माझ झनै नजिक हुनुभएको हो ।
नेपाली काग्रेसका महाधिबेसन प्रतिनिधि समेत रहनुनभएका चौलागाँईले रामेछाप नगरपालिकाको विभिन्न ठाउँमा मानिसको मृत्यु पश्चात शब वहान नहुँदा विभिन्न समस्या हुने हुँदा त्यस्ता समस्या समाधानको लागि शब वहान दिएको बताउनुभएको छ । आफूले कमएको केही पैसा समाज सेवामा लगाउँदा समाजमा कम आर्थिक अवस्था भएका सर्वसाधरणलाई प्रत्यक्ष फाइदा पुग्ने समेत उहाँले बताउनु भयो ।
त्यसैगरी उहाँले रामेछाप नगरपालिकाको वडा नम्बर ७ मा रहेको कालिका डिप बोरिङ खानेपानी र वडा नमबर ८ र ९ मा बन्दै गरेको बृहत सुनकोशी लिफ्ट खानेपानी आयोजनामा स्थानीय उपभोक्ताले सुरुमा बुझाउनु पर्ने रकमको लागि दुई आयोजनालाई पाँच–पाँच लाख समेत सहयोग गर्नु भएको छ । त्यस्तै उहाँले शब बहानको चालकको १ बर्षको तलब रु २ लाख १८ हजार समेत रामेछाप नगरापालिकालाई हस्तान्तरण गर्नु भएको थियो ।
कम्युनिष्ट छोडेर काग्रेकास प्रवेश गर्नेको संख्या बढ्दै
कम्युनिष्ट सरकारको विकासको खोक्रो नारामा विश्वास नरहेको भन्दै कम्युनिष्ट पार्टीका नेता तथा कार्यकर्ताहरू नेपाली काँग्रेसमा प्रवेश गरेका छन् । काँग्रेमा प्रवेश गर्ने सबैलाई काग्रेसका बरिष्ठ नेता रामचन्द्र पौडेलले फूलमाला लगाएर स्वागत गर्नु भएको थियो । कम्युनिष्ट लगायत अन्य पार्टी छोडेर काग्रेसमा प्रवेश गर्ने ५० जना भन्द बढी रहेका थिए ।
नेपाली काँग्रेस रामेछाप नगर समितिद्धारा आयोजना गरिएको उक्त कार्यक्रम नगर सभापति कमल बिक्रम कार्कीको अध्यक्षतामा भएको थियो ।
यो बारेमा तपाईको प्रतिकृया