नामाडी घट्नामा लगाइएको आरोप र प्रदेश सांसदको अभिब्यक्ति प्रति काँग्रेसको आपत्ति

१० मंङ्सिर, रामेछाप । नेपाली काँग्रेस रामेछापले नामाडी घट्नाको बिषयलाई लिएर प्रदेश सांसदको अभिब्यक्तिको खण्डन गर्दे बिज्ञप्ती जारी गरी आफ्ना कार्यकर्ताहरु सुनियोजित ढंगले फसाउन लागेको भन्दै आपत्ति जनाएको छ ।
नेपाली काँग्रेस रामेछापका सचिब एक बहादुर बस्नेत (बिष्णु) द्वारा हस्तक्षरीत बिज्ञप्तीमा रामेछाप जिल्लाको गोकुलगंगा गाँउपालिका भित्र बजेट कार्यन्वयनमा भएको एकलौटिपन, मनोमानितन्त्र र अनियमितता विरुद्धमा आवाज उठाउने क्रममा शान्तिपूण छलफल भैरहेको बेला नियोजित ढंगले नेकपा सरकारका कार्यकर्ताहरुलाई उचाली नेपाली काँग्रेसका पूर्व जिल्ला सदस्य दिपक खड्का, नेपाल तरुण दल रामेछापका जिल्ला अध्यक्ष काजी बहादुर खड्का (दिनेश) र स्थानीय युवा नेता सुमन खड्का माथि आक्रमण गर्दा छुटाउने क्रममा भएको सामन्य भन्दा सामन्य बिषयलाई राजनीतिकरण गरी प्रतिपक्ष दलको बढ्दो जनविश्वास र आर्कषण निस्तेज पार्न घटनाको सत्य तथ्य नबुझि सत्ता र शक्तिको आडमा राज्य संयन्त्रलाई गलत मनसायले परिचालन गरी ज्यान मार्ने उद्योगमा किटनी जाहेरी गरेको प्रति नेपाली काँग्रेसको घोर आपत्ति रहेको जनाइएको छ ।

बिज्ञप्तीमा यस घटनाको सम्बन्धमा सम्बन्धित निकायलाई घ्यानार्कषण गराउदै जालझेल र कपटपूर्ण तवरबाट राजनैतिक आस्थाको आधारमा लागाइएका झुट्ठा मुद्दा अविलम्ब फिर्ता लिएर जनतालाई शान्तिपूर्ण बाँच्न पाउने संवैधानिक अधिकार सुनिश्चित गर्न नेपाली काँग्रेस नेकपाको सरकार लाई चेतावनी दिन चाहेको कुरा पनि उल्लेख गरिएको छ ।
स्थानीय प्रहरी प्रशासनले नेकपा कार्यकर्ताहरुले जे गरेपनि बेवास्ता गरेको, नेपाली काँग्रेसका कार्यकर्ता माथि एकपक्षिय ढंगबाट झुट्ठा मुद्दा लगाएको, धरपकट गर्ने गरेकोले प्रशासनको निष्पक्षता माथि नै प्रश्न चिन्ह देखा आरोप पनि बिज्ञप्ती मार्फत लगाइएको छ ।

सार्वसत्ता र फाँसिवादी शैलिमा केही सञ्चार माध्यबाट नेकपा रामेछापका जिल्ला सचिव तथा बागमति प्रदेश सांसद शान्ति प्रसाद पौडेलले दिएको कपोकल्पित, भ्रामक तथा अरोपपूर्ण अभिव्यक्ति प्रति नेपाली काँग्रेस रामेछाप घोर भत्सर्ना गरेको कुरा उल्लेख गर्दै बहुदलिय नैतिकता र प्रतिपक्ष आवाजको सम्मानका लागि पाठ सिक्न चेतावनी पनि बिज्ञप्ती मार्फत दिइएको छ ।
बिज्ञप्तीमा नागरिकको भय मुक्त बातावरणबाट बाँच्न पाउने अधिकार, शान्तिपूर्ण विरोध गर्न पाउने अधिकार, सूचना पाउने अधिकार जस्ता सवैधानिक अधिकारलाई सत्ताको कुण्ठामा पार्ने कार्य जो कसैले कसैमाथि गरे नेपाली काँग्रेस नागरिक अधिकारको लागि र नेपाली जनताको हितको लागि जुनसुकै मुल्य चुकाउन पनि पछि नपर्ने कुरा पनि उल्लेख गरिएको छ ।
यहि मंसिर ९ गते बसेको नेपाली काँग्रेस जिल्ला कार्य समिति रामेछापको बैठकले नामाडी घट्नामा आफ्ना निर्दोष कार्यकर्ताहरुमाथि लागाएको आरोप र नेकपाका जिल्ला सचिब तथा प्रदेश सांसद शान्ति प्रसाद पौडेलले बिभिन्न सञ्चार माध्यमहरुमा दिएको भ्रमपूर्ण अभिब्यक्तिहरुलाई खण्डन गर्दै बिज्ञप्ती निकाल्ने, कृयासिल सदस्यता बितरण तथा नविकरण सुरु गर्ने लगाएतका बिभिन्न निर्णयहरु गरेको थियो ।