रामेछाप, १३ पुष । वर्तमान प्रधानमन्त्री केपी शर्मा ओलीले चालेको कदमको विरोध गर्दै नेपाली काँग्रेस रामेछापले सोमवार अर्धनग्न तरुण सहित विरोध जुलुस प्रदर्शन गरेको छ ।
मन्थलीको विपी चोकबाट शुरु भएको जुलुसले मन्थलीका विभिन्न भागहरू परिक्रमा गरी देवकोटा चोकमा पुगेर कोणसभा गरेको थियो ।
कोण सभालाई सम्बोधन गदैै काँग्रेस रामेछापका पूर्व पार्टि सभापति रामचन्द्र खड्का, वर्तमान सभापति लवश्री न्यौपानेले कम्युनिष्टको अधिनायक वाद अव धेरै नटिक्ने बताउदै के पी शर्मालाई आफू सच्चिन अनुरोध गर्नुभयो । उहाहरूले ओलीका कारण नेकपाको पार्टि फुट्ने निश्चित नै भैसकेको तर लोकतन्त्र र संविधानको रक्षा गर्ने जिम्मेवारी काँग्रेसको पनि भएका कारण यस्ता बिरोध कार्यक्रमहरु आयोजना गरिएको बताउनुभयो । नेपाली काँग्रेस मन्थली नगरपालिकाका सभापति केशव रोक्काले ओलीले गर्नै नहुने काम गरेको भन्दै संविधान विपरित काम गर्न उनलाई छुट नभएको दावी गर्नुभयो ।
आर्यघाटले के भन्छ – केपी ओली ले भन्छ, केपी ओली– मूर्दावाद , कम्युनिष्ट अधिनायक वाद –मूर्दावाद भन्ने जस्ता नाराहरु सहितको जुलुस मा ५ जना तरुण दलका युवाहरु अर्धनग्न अबस्थामा निस्कीएका थिए ।नेपाल कम्युनिष्ट पार्टिका अध्यक्ष समेत रहेका ओलीले पुष ५ गते संसद विघटन गरी निर्वाचनको घोषणा गर्नुभएको थियो । काँग्रेस केन्द्रीय समितिको निर्णय अनुसार सोमवार देशभरका १ सय ६५ वटै निर्बाचन क्षेत्रमा काँग्रेसको विरोध प्रदर्शन गर्ने कार्यक्रम रहेको पार्टि सचिव लेख वहादुर कार्कीले वताउनुभयो ।
स्थानीय प्रशासन द्वारा साबिक भन्दा बढिनै सुरक्षाफौज परिचालन
नेपाली काँग्रेस रामेछापले आइतवार प्रहरी हरुलाई झुक्याएर प्रधानमन्त्री ओली र राष्ट्रपति बिद्यादेवी भण्डारीको पुत्ला दहन र फरक फरक ठाँउवाट मशाल जुलुस प्रदर्शन गरेपछि स्थानीय प्रशासनले सोमबार देखिनै आफुसँग भएको पर्याप्त सुरक्षाकर्मीहरु परिचालन गरेका छ । हरेक दिन जसो हुने आन्दोलनमा अप्रीय घट्नाहरु नघटुन भन्ने उदेश्यका साथ यसरी प्रहरीहरु परिचालन गर्ने गरिएको जिल्ला प्रहरी कार्यालय रामेछापले जनाएको छ ।
केपी शर्मा ओलीले असंबैधानिक कदम चालेको दिन देखिनै पर्याप्त सुरक्षा फौज परिचालन गरीरहेको प्रहरी आइतवार भने झुक्किएको छ ।
सो दिन कुनै पानि पार्टिको कार्यक्रम रहेको सुरक्षा फौजलाई जानकारी नभएपछि सामान्य गस्तीमा रहेका प्रहरीहरु मात्र वजार क्षेत्रमा रहेका थिए ।
प्रहरीको हस्तक्षेप असफल
यस अघि हुदै आएको राँके जुलुसमा प्रहरी हस्तक्षेप सफल भएपनि आइतवार साझ काँग्रेसले आयोजना गरेको राँके जुलुस प्रदर्सन र पुत्ला दहन कार्यक्रममा प्रहरी हस्तक्षेपको प्रयास विफल भएको थियो ।
अघि पछिको जस्तो प्रहरीहरू वजारमा पर्याप्त परिचालन नभएका कारण देवकोटा चोक परीसरमा गस्तीमा रहेका प्रहरीहरुले मात्र ठुलो संख्यामा आएको राँके जुलुसलाई हस्तक्षेप गर्न सकेन । पुत्ला दहन कार्यक्रममा पनि सिमित प्रहरीले हस्तक्षेप गरी पुत्ला खोस्ने प्रयास गरेको भएपनि काँग्रेसका कार्यकर्ताहरुले पुत्ला खोस्न दिएनन् र दहन गरेरै छाडे ।
हस्तक्षेपका क्रममा पानी र माटो पनि खोसाखोस
आइतवार साँझ ओली र भण्डारीको पुत्ला दहन भैरहेको वेलामा आगो निभाउन प्रहरीहरूले पहिलोपटक ल्याएको माटो र दोस्रो पटक ल्याएको पानी पनि खोसाखोस भएको छ । प्रहरीले पहिलो पटक माटो हालेर आगो निभाउने प्रयास गर्दा काँग्रेसका कार्यकताहरुले माटोको वोरा खोसेर माटो सडकमै छरिदिएपछि प्रहरीको प्रयास असफल भएको थियो ।
दोस्रो पटक पानीको जार ल्याएर आगो निभाउन खोजेका प्रहरीहरू र प्रर्दशन कारीहरु बिच सामान्य झडप भइ पानीको जार खोसाखोस हुदा प्रदर्शनकारीहरुले कब्जामा लिएको जारको पानी सडकमै पोखिदिएर आगो निभाउन दिएका थिएनन् ।
तर आफ्नो कार्यक्रम सकिएपछि भने काँग्रेस कार्यकर्ताहरू आफैले आगो निभाएका थिए भने सरसफाइ प्रहरीले गरेको थियो ।
यो बारेमा तपाईको प्रतिकृया