रामेछाप, १६ माघ । नेपाली काँग्रेसले देश ब्यापी रुपमा गर्न लागेको विरोध कार्यक्रम भध्ये रामेछापमा १९ गते हुने विरोध कार्यक्रम तथा सभालाई सम्बोधन गर्न नेपाल तरुण दलका केन्द्रीय अध्यक्ष जितजंग बस्नेत यहि माघ १९ गते सोमवार रामेछाप आउनुहुने भएको छ ।
नेपाली काँग्रेस जिल्ला कार्य समिति रामेछापको समन्वयमा जिल्लाका विभिन्न भातृ संगठनहरुले संयुक्त रुपमा गर्न लागेको विरोध कार्यक्रमको संयोजन गर्ने जिम्मेवारी पनि नेपाल तरुण दल रामेछाप लाई दिइएको छ ।
शुक्रवार मन्थलीमा सम्पन्न काँग्रेसका उपलब्ध पादाधिकारीहरु र भतृ तथा सुभेच्छुक संस्थाहरुका प्रतिनिधिहरू सहितको संयुक्त बैठकले सो कार्यको जिम्मेवारी तरुण दल लाई दिने र २४ गतेको कार्यक्रमका लागि ट्रेड युनियन काँग्रेसलाई संयोजनको जिम्मेवारी दिने निर्णय गरेको नेपाली काँग्रेस रामेछापका पार्टि सभापति लवश्री न्यौपानेले जानकारी दिनुभयो ।
काँग्रेस केन्द्रीय कार्यालयले फागुन १९ गते सोमवार सवै भातृ संस्थाहरुले ७७ वटै जिल्लामा संयुक्त रुपले, माघ २४ गते शनिवार शुभेच्छुक संस्थाहरुले र फागुन ३ गते सोमवार जिल्ला कार्य समितिहरुले जिल्लामा विरोध प्रदर्शन तथा सभाको आयोजना गर्ने भनि सबैतिर सर्कुलर गरेको छ ।
यो बारेमा तपाईको प्रतिकृया