रामेछाप । कोभिड – १९ को दोस्रो भेरियन्टको संक्रमणले ग्रामिण क्षेत्रलाई आतंकित गराई रहेको वेला नेकपा एमाले रामेछापले जिल्ला अस्पताल र जिल्लाको दुर्गम उमाकुण्ड गाउँपालीकालाई स्वास्थ्य सामाग्रि सहितको सहयोग प्रदान गरेको छ । सो पार्टिले युवा नेता तथा निर्माण ब्यवसायी रत्न गौतम मार्फत सहयोग स्वरुप आएको उक्त सामाग्रि पालीका र विभिन्न वडालाई हस्तान्तरण गरेको हो ।जिल्ला अस्पताल रामेछापका लागि डब्लु एचओ बाट मान्यता प्राप्त ३ सय थान र उमाकुण्ड गाउँपालीकाको लागि सय थान एन्टिजेन किट प्रदान गरीएको नेकपा एमाले रामेछापका अध्यक्ष आनन्द श्रेष्ठले जानकारी दिनु भयो ।
त्यसैगरि उमाकुण्ड गाउँपालीकाको लागि अक्सिजन सहितको ठुलो सिलिण्डर ९ थान , ५ हजार थान मास्क,२ सय थान ग्लोब्स र ५ वटा नर्मल बेड उपलब्ध गराएको हो । त्यसैगरि एमालेले बाँकि रहेको ५ सय थान एन्टिजेन किट भने आबश्यक्ताका आधारमा वितरण गर्नेगरि जिल्ला स्तरिय कोभिड – १९ संकट ब्यवस्थापन केन्द्रलाई हस्तान्तरण गरेको पनि अध्यक्ष श्रेष्ठले बताउनु भयो ।
त्यसैगरी एमालेले लिखु तामाकोशि गाउँपालीकाका लागि ४ थान अक्सिजन सहितको सिलिण्डर, चिसापानीको आर्युवेदिक औषधालयलाई अक्सिजन सहितको ३ थान सिलिण्डर र भटौली स्वास्थ्य चौकिका लागि पनि २ थान सिलिन्डर प्रदान गरेको पनि श्रेष्ठले जानकारी दिनुभयो । त्यसैगरि गत मंगलबार जिल्ला कोभिड व्यवस्थापन समितिलाई प्रदान गरिएको एन्टिजेन किटमा समस्या देखिए पछि ति किटलाई प्रयोगका लागि स्थगन गरि त्यसको सट्टामा तत्काल मान्यता प्राप्त किट सोध भर्ना स्वरुप प्रदान गरिने पनि श्रेष्ठले जानकारी दिनुभयो ।
यो बारेमा तपाईको प्रतिकृया