रामेछाप,१८ जेठ । मन्थली सहिद स्मृति बहुमुखी क्याम्पसको आयोजनामा जिल्लाका नव निर्वाचित पदाधिकारीहरुलाई स्वागत, बधाइ तथा शुभकामना कार्यक्रम बुधबार सम्पन्न भएको छ ।
क्याम्पस सञ्चालक समितिका अध्यक्ष रामचन्द्र बियोगिको अध्यक्षतामा सम्पन्न उक्त कार्यक्रममा मन्थली नगर प्रमुख लब श्रेष्ठ,रामेछाप नगर प्रमुख लब श्री न्यौपाने, खाँडादेवी गाँउपालिका अध्यक्ष्य ज्ञान कुमार श्रेष्ठ, गोकुलगंगा गाँउपालिकाका अध्यक्ष काजी बहादुर खड्का,नेपाल पत्रकार महासंघ रामेछापका अध्यक्ष बद्री नयाँघरे,स्ववियू सचिब बिमल पौडेल, पूर्व क्याम्पस प्रमुख टंक प्रसाद दाहाल लगाएतले आ आफ्नो मन्तब्य राख्नुभएको थियो ।
सो अबसरमा बोल्ने अधिकांस जन निर्बाचित प्रतिनिधिहरुले क्याम्पसको बिकासका लागि आफुहरुले सकेको सहायोग गर्ने बताएका थिए ।
कार्यक्रममा मन्थली नगरपालिकाका नगर प्रमुख, रामेछाप नगरपालिकाका नगर प्रमुख र उपप्रमुख, खाँडादेवी गाउपालिकाका अध्यक्ष र उपाध्यक्ष, गोकुलगंगा गाँउपालिकाका अध्यक्ष, र मन्थली नगरपालिका वडा नं १ का वडा अध्यक्ष सहित ३ जना वडा सदस्यहरु र वडा नं १० बाहेकका १४ वटै वडाका वडा अध्यक्षहरुको सहभागिता रहेको थियो ।कार्यक्रमको सञ्चालन भने क्याम्पस प्रमुख डा.भरत कुमार श्रेष्ठले गर्नुभएको थियो ।
यो बारेमा तपाईको प्रतिकृया