नेविसंघ रामेछापमा बिबाद

रामेछाप,२२ असोज । संघिय र प्रदेश चुनावको मिति नजिकिदै गर्दा नेपाली काँग्रेसको भातृ संगठन नेपाल विद्यार्थी संघ (नेविसंघ) रामेछापमा बिबाद सुरु भएको छ ।
यहि असोज १७ गते नेविसंघ केन्द्रीय कार्यालयले नेविसंघका यस अघि सचिब समेत रहेका बिनोद बुढाथोकीलाई जिल्लाको अध्यक्षको जिम्मेवारी दिएर पठाएपछि यस अघिका अध्यक्ष शुसिल अधिकारीले बिज्ञप्ती निकाले सँगै नेविसंघ रामेछापको बिबाद चुलिएको हो ।

केन्द्रीय कायालयको पत्रानुसार कार्यालयले जिल्ला पार्टि कार्यालयमा अध्यक्ष बनाउने ब्यक्तिको नाम सिफारिस मागेको र २०७९ असोज ९ गते जिल्ला पार्टि कार्यालय रामेछापले बुढाथोकीको नाम सिफारिस गरेपछि उनलाई आगामी ३ महिना भित्र जिल्लाको अधिबेशन सम्पन्न गर्ने र आसन्न संघिय तथा प्रदेश निर्बाचनमा संगठनलाई चलायमान बनाउने शर्त सहित जिम्मेवारी दिएको जनाएको छ ।

यता यस अघिका अध्यक्ष शुसिल अधिकारीले बिज्ञप्ती निकाली उक्त कार्यको बिरोध गरेका छन् । उनी द्धारा हस्ताक्षरित बिज्ञप्तीमा परिमार्जित केन्द्रीय बिधान अनुसार सबै पक्ष सँग समन्वय गरेर आसन्न संघिय र प्रदेश निर्वाचन पछाडी लगत्तै जिल्ला अधिबेशन गर्ने आफ्नो समितिले तयारी गरीरहेको बर्तमान सन्दर्भमा अप्रत्यासित रुपमा बिना सल्लाह र सहमति अनुसार आफ्नो समितिलाई भंग गरी कूनै अमुक ब्यक्तिलाई नेविसंघको अध्यक्ष बनाउने सिफारीस पार्टि सभापतिले गरेको भन्दै आपत्ति जनाएका हुन् ।
बिज्ञप्तीमा आसन्न संघिय र प्रदेश सभाको निर्बाचनमा सहयोग गर्नका लागि नेबिसंघ रामेछापले आफ्ना सबै इकाई तथा प्रदेश समितिहरुलाई समेत अनुरोध गरिएको जनाइएको छ ।