खाँडादेवी गा.पा को वडा नं–५ मा विरोध प्रदेर्शन

रामेछाप,७ चैत । वडा वासीलाई अपायक पर्ने ठाउँमा वडा कार्यालय भवन बनाउन लागेको भन्दै खाँडादेवी गाउँपालिका वडा नं–५ का नागरिकहरुले बिरोध प्रदर्शन गरेका छन् ।
वडा अध्यक्षले एकलौटी निर्णय गदैै आफ्नो घर नजिक भवन बनाउन लागेपछि स्थानीयहरु उक्त निर्णयको विरोधमा उत्रिएका हुन् ।
हाल अस्थायी वडा कार्यालय रहेको ठाँटिमा वडा अध्यक्षले मनोमानि ढँगले नयाँ भवन बनाउन लागेको र उक्त भवन वडा बासीका लागि अपाएका पर्ने स्थानीयवासीहरु बताउछन् ।
उक्त वडा कार्यलय सर्व दलिय र सर्व पक्षिय सहमतिका आधारमा बनाउनु पर्ने स्थानीयको माग रहेको छ । अहिले रहेको कार्यालय बाट गरिने वडाका कामहरु धेरैका लागि अपाएका पर्ने भएको र पुनः सोहि ठाउँमा भवन निर्माण हुन लगेपछि आफुहरु सो कार्यको विरोधमा उत्रनु परेको स्थानीय राजनारायण श्रेष्ठ बताउनुभयो ।
यस अघि पनि उक्त स्थानमा कार्यालय निमार्ण गर्ने विषयमा विवाद भएपछि वडा कार्यालयले कुनै निणर्य गर्न सकेको थिएन् । पछिल्लो समय सर्वदलिय र सर्वपक्षिय सहमतिका नाममा वडा अध्यक्षले सोहि ठाउँमा भवन निमार्ण गर्ने निर्णय गर्न लागेको सार्वजनिक भएपछि स्थानीय ,राजनितिक दल समेत निर्णयको विरोधमा उत्रिनु परेको नेपाली काँग्रेसका प्रदेश अधिबेसन प्रतिनिधि समेत रहेका स्थानीय सुजन ढुंगेलले बताउनु भयो ।
अपाएका स्थानमा बन्न लागेको निर्माण कार्य बन्द गरेर वडाको बिच केन्द्रमा पर्ने गरी वडा कार्यालयको भवन निर्माण गर्नु पर्ने र सो माग पुरा नभए आफुहरु चरणबद्ध रुपमा आन्दोलन गर्ने चेतावनी स्थानीयले दिएका छन् ।