रामेछाप १ चैत, । रामेछाप नगरपालिका वडा नं ९ को टार सिमन्ती भन्ने ठाउँमा आगलागी हुँदा १४ घर र १२ गोठ समेत गरी २६ वटा जलेर नष्ट भएका छन् । आगलागीमा परि ६० भन्दा बढी बाख्रा र करिब आधा दर्जन जति गाई र भैसि समेत मरेका छन् ।नेवारी र तामाङ समुदायको बस्ती भएको उक्त स्थानमा बिहीबार दिउँसो लागेको आगोका कारण त्यहाँको सिङ्गो बस्ती नष्ट भएको हो ।
आगलागी भएको खबर सुन्नासाथ रामेछाप नगरपालिकाका नगर प्रमुख लव श्री न्यौपानेको नेतृत्वमा नेपाली सेना,सशस्त्र प्रहरी जनपद प्रहरीको टोली घटना स्थलमा पुगेर आगो निभाउने प्रयास गरेको थियो । स्थानीयहरूको समेत सहयोगमा हाल आगो नियन्त्रणमा आएको भए पनि त्यस ठाउँमा हुन सक्ने जोखिम भने कायमै रहेको डिभिजन बन कार्यालयका सहायक बन अधिकृत देवेन्द्र यादवले जानकारी दिए ।
चर्को घाम सँगैको हावाका कारण जङ्गलबाट फैलिएको आगो मानव वस्तिमा पसे सँगै भएको क्षतिको पूर्ण विवरण नआई सकेको भए पनि घटना स्थलमा उदरका लागि पुगेको टोलीले कतिपय घर भित्र राखेको सामान भने निकाल्न सफल भएको थियो ।
आगलागीबाट घर वार विहीन भएका हरूलाई खान र बस्नको लागि स्थानीय विद्यालयमा आवश्यक व्यवस्था गरिएको नगर प्रमुख लबश्री न्यौपानेले जानकारी दिए । उनले भने बाँकी तयारीको बारेमा भने जिल्ला रेडक्रस सोसाइटी र सुरक्षा निकायहरू सँगै बसेर सल्लाह भइरहेको पनि नगर प्रमुख न्यौपानेले बताए ।
आगलागिबाट घर सँगै लत्ता कपडा र खाद्यान्न सहित सम्पूर्ण धनमाल जलेर नष्ट भएपछि पीडितहरूलाई भने समस्या भएको भए पनि उनीहरूलाई खान र बस्नका लागि कुनै पनि कमी हुन नदिने पनि नगर प्रमुख न्यौपानेले जानकारी दिए ।
यो बारेमा तपाईको प्रतिकृया