रामेछाप ७ फागुन । एकहत्तरौै प्रजातन्त्र दिवसको अवसरमा राष्ट्रिय प्रजातन्त्र पार्टी जिल्ला समिति रामेछापले शुक्रबार जिल्ला सदरमुकाम मन्थलीमा प्रवचन कार्यक्रमको आयोजना गरेको छ । पार्टी कार्यालय कटहरबोटमा भएको प्रवचन कार्यक्रममा बोल्ने सबैजसो बक्ताहरुले प्रजातन्त्र दिवसको महत्व र त्यसमा राप्रपाले खेल्दै आएको भूमिकाका बारेमा बोलेका थिए । करिब २ सय जना कार्यकर्ताहरुको बीचमा बौल्दै बागमती प्रदेशकि सांसद रीता माझीले प्रजातन्त्र विनाको स्वतन्त्रता कल्पना सम्म गर्न नसकिने भन्दै त्यसको जगेर्नाका लागि पनि प्रजातन्त्र दिवसको विषेश महत्व रहेको बताउनु भयो ।
उहाँले भन्नु भयो राप्रपा नै प्रजातन्त्रको जननी हो । उक्त कार्यक्रममा बोल्दै पार्टीका केन्द्रिय सदस्य सरस्वती श्रेष्ठले मुलुकको परिवर्तनमा प्रजातन्त्र दिवसको अर्थपूर्ण महत्व रहेको र त्यसको संस्थागत विकासका लागि राप्रपाले आफ्नो भूमिकामा थप विस्तार गर्नु पर्ने बताउनु भयो । राप्रपाका जिल्ला अध्यक्ष रामचन्द्र कडेलको अध्यक्षतामा उक्त प्रवचन कार्यक्रम भएको थियो । सो अबसरमा उहाँले नेपाली काँग्रेस र नेकपाबाट देश सञ्चालन हुन नसक्ने कुराको पुष्टि भइसकेकाले मुलुक निर्माणको जिम्मा राप्रपाको काँधमा आएको भन्दै त्यसको तयारीमा लाग्न पनि कार्यकर्तालाई आग्रह गर्नु भएको थियो ।
झण्डोत्तोलन र चुनाब चिन्हको उद्घट्न
प्रजातन्त्र दिवसको अवसर पारेर सोहि दिन राप्रपाले आफ्नो नयाँ कार्यालयमा पार्टीको नयाँ झण्डाको झण्डोत्तलन र निर्वाचन चिन्हको अनावरण पनि गरेको छ । सो अवसरमा पार्टीको हलो चिन्हको बागमती प्रदेश सांसद तथा केन्द्रिय सदस्य रीता माझीले र पार्टीको झण्डाको झण्डोत्तोलन केन्द्रिय सदस्य सरस्वती श्रेष्ठले गर्नु भएको थियो ।
यो बारेमा तपाईको प्रतिकृया