२३ जेठ, २०७५
रामेछाप- वर्षौ देखि खानेपानीको समस्या व्यहोर्दै आएका मन्थली नगरपालीका ६ बेतिनी, कुबिण्डे र आसपासको बस्तिमा खानेपानी पु¥याउनका लागि अभियान थालिएको छ । युगौ–युग देखि पिउँदै आएको गाउँका पानीका मुहान सुकेर बस्तिनै संकटमा परेपछि प्रदेश नं ३ सरकारको १८ लाख आर्थिक सहयोगमा बेतिनी, कुबिण्डे र आसपासका बस्तिहरुलाई लक्षित गरि खानेपानीको काम थालिएको हो ।
जतिसक्दो चाँडो गाउँमा पानी पु¥याएर सर्वसाधारणलाई प्रत्यक्ष रुपमा पानीको समस्या समाधान गराउने दिर्घकालिन योजना सहित त्यहाँका उत्साहित युवाहरुले सुनकोशि नदीको पानीलाई लिफ्ट प्रविधिबाट बेतिनीमा पु¥याउनका लागि नवुघाट बेतिनी लिफ्ट खानेपानी योजनाको नामबाट काम थालिएको उपभोक्ता समितिका अध्यक्ष राजकुमार बम्जनले जानकारी दिनुभयो । उहाँका अनुसार गाउँमा खानेपानी ल्याउने अभियान अन्र्तगत पहिलो चरणमा नवुघाटको सुनकोशी किनारमा ईनार निर्माणको काम सम्पन्न गरि सकिएको छ ।
उपभोक्तारूको आवश्यकता र मागका आधारमा आरम्भ गरिएको खानेपानी योजना निर्माणका लागि प्रदेश सरकारसँग थप बजेट माग गरिएको र मन्त्रालयले पनि सकरात्मक जवाफ दिएकोले योजनालाई आगामी एक वर्ष भित्र सम्पन्न गर्ने योजाना सहित काम भईरहेको छ । अभियान अन्र्तगत दोस्रो चरणमा रिजर्भ ट्याँकी र जिआई पाईप जडानको कामलाई तदारुकता दिने योजना उपभोक्ता समितिले बनाएको छ ।
करिब ३ सय घरधुरी उपभोक्ता रहेको माथिल्लो बेतिनी र तल्लो बेतिनी आसपासको बस्तीमा वर्षौ अघि तामाकोशी सेवा समितिले खानेपानीको व्यवस्था गरिदिएको थियो । तर अहिले ती पानीका मुहान सुकेपछि त्यस क्षेत्रमा वर्षाै देखि खानेपानीको अभाव भएको थियो । जसका कारण त्यहाँका मानिसहरूले तत्कालिन समस्याको समाधानका लागि पानीको ट्याँकी र धारामा ताला लगाएर भागमा परेको पानी उपभोग गर्दे आएका थिए ।
आगामी एक वर्ष भित्र काम सक्ने गरि अभियान आरम्भ गरिएको उक्त योजनाका लगि प्रदेश सरकारले चालु आवको बजेटबाट १८ लाख रुपैयाँ उपलव्ध गराएको जानकारी ३ नं प्रदेशका अर्थ मन्त्रीका सल्लाहकार दिनेशराज सुवेदीले जानकारी दिनुभयो । जस अन्र्तगत आगामी वर्षको बजेटबाट सो कार्यलाई पुर्णता दिने कुरामा सरकारले बाँकी कामको प्रयास गरिरहेको जानकारी पनि उहाँले दिनुभयो । गाउँमा पानीकै कारण बसाई सर्नु पर्ने अवस्थामा पुगेका आफूहरूका लागि संचालित योजना बरदान सावित हुने स्थानीय बिमाई तामाङ्गले बताउनुभयो । उहाँले भन्नुभयो– ‘अबको एक वर्ष भनेको त्यती लामो समय हैन, । हामी पनि त्यहि खानेपानीको प्रतिक्षामा रहेका छौँ । युवाहरुले थालेको अभियानमा प्रदेश सरकारले पनि सहयोग गरेर हामीले वर्षौ देखि भोग्दै आएको समस्या समाधान गर्न लागेको छ । यो काम प्रशंसनिय छ ।’
यो बारेमा तपाईको प्रतिकृया