अपाङ्गता भएका ब्यक्तिलाई राज्यको मूलधारमा ल्याउने गरि काम गर्छौँ- बस्नेत

रामेछाप । मन्थली नगरपालिका प्रमुख रमेशकुमार बस्नेतले नगरपालिकाले अपाङ्गताहरुको हकहित र अधिकारको लागि आवश्यकताका आधारमा सहयोग गर्ने बताएका छन् । नगरपालिकाले अपाङ्गता भएको ब्यक्तिहरुलाई राज्यको मूलधारमा ल्याउने गरि काम गरिरहेको पनि नगरप्रमुख बस्नेतले बताए ।
३० आँै अन्तर्राष्ट्रिय अपाङ्गता दिवसको आवसरमा मन्थली नगरपालिकाले आयोजना गरेको कार्यक्रमा नगरप्रमुख बस्नेतले यस्तो भएका हुन् । अपाङ्गता भएका ब्यक्तिहरुको संरक्षण र उनीहरुको अधिकार सुनिश्चितताका लागि नगरपालिकाले काम गरिरहेको पनि बस्नेतले बताए ।
नगरपालिका एक्लैले सबै काम गर्न नसक्ने भएकाले अपाङ्गता सम्बन्धित काम गर्ने संघसंस्थाहरुलाई अपाङ्गताहरुको जीवनयापन गर्न सहज हुने खालको कार्यक्रमहरु बनाएर नगरपालिकामा पेश गर्न पनि आग्रह गरे । अपाङ्गताको शीर्षकमा मन्थली नगरपालिकाले बजेट विनियोजन गरेको जानकारी दिंदै विनियोजीत बजेट अपुग भएमा थप बजेट ब्यवस्था गर्न सकिने पनि नगरप्रमुख बस्नेतले बताए ।
मन्थली नगरपालिकाका प्रमुख प्रशासकीय अधिकृत लिलाराज पौडेलले अपाङ्गगता भएकाहरुलाई आत्मनिर्भर बनाउन सीपमूलक कार्यक्रम गर्न नगरपालिका तयार रहेको बताए । अपाङ्गता भएका ब्यक्तिहरुको सम्मानजनक जीवनयानको लागि नगरपालिका सधै सकारात्मक रहेको भन्दै अपाङ्गता सम्बन्धि काम गर्ने संघसंस्थाहरुसँग सहकार्य गरेर अपाङ्गतामैत्री कार्यक्रम सञ्चालन गर्न नगरपालिका तयार रहेको पौडेलले बताए ।
३० औँ अन्तर्राष्ट्रिय अपाङ्गता दिवसको अवसरमा मन्थली नगरपालिकाले विपन्न अपाङ्गता र पूर्णअशक्त आपाङ्गतालाई न्यानो कपडा कार्यक्रम अन्तर्गत ब्लाङकेट पनि वितरण गरेको छ । मन्थली नगरपालिका उप–प्रमुख मायाकुमारी कार्कीको अध्यक्षतामा भएको कार्यक्रममा अपाङ्गता सचेतन सेवा केन्द्रका अध्यक्ष तथा नेपाल पत्रकार महासंघ रामेछापका अध्यक्ष बद्री नयाँघरे लगायत पत्रकार तथा अपाङ्गगता भएका ब्यक्तिहरुको सहभागिता रहेको थियो । त्यसैगरी रामेछाप नगरपालिकाले पनि दिवसको अवसरमा पारेर नगरभित्र रहेका ‘ग’ र ‘घ’ वर्गका अपाङ्गता भएका ब्यक्तिहरुको उपस्तिथिमा अपाङ्गता भएकाहरुको समस्याको बारेमा अन्तरक्रिया कार्यक्रम गरिएको उपशाखा प्रमुख शरिता बुढाथोकीले जानकारी दिइन ।