प्रदेश सरकारको योजना अनुगमनका लागि सांसदहरुको टोली जिल्ला भ्रमणमा

रामेछाप,२४ फागुन । प्रदेश सरकारले सञ्चालन गरेका विभिन्न योजनाको अनुगमन गर्न बागमतिका सासदहरु जिल्ला दौडाहामा निस्केका छन । सिन्धुली,रामेछाप र दोलखा जिल्लालाई लक्षित गरी अनुगमनमा निस्किएको टोलीले रामेछापका पनि विभिन्न सडक र खानेपानी आयोजनाको अनुगमन गरेको हो ।
सरकारले संचालन गरेका योजनाको अनुगमन गर्नका लागि अर्थ तयारी विकास समितिका सभापति नारायण सिलुवालको नेतृत्वमा रामेछाप आएको सांसदहरुको टोलीले सोमबार मन्थली नगरपालिका वडानं –७ को मुगिटार र मन्थलीको तामाकोशी पुलदेखि भटौलिखोला सडकको कामको बारेमा स्थलगत अनुगमन गरेको थियो । उक्त टोलीका सदस्यहरुमा प्रत्यायोजित विधायन अध्ययन उप समितिका सदस्य सांसद शान्ति प्रसाद पौडेल, सांसद शसिजंग थापा,सांसद शोभा शाक्य, सांसाद आसमायाँ तामाङ, रहेका छन् ।

सांसादहरुको टोलीले रामेछाप नगरपालिका वडा नं –८ र ९ का उपभोक्तालाई लक्षित गरि संचालनमा ल्याउन लागिएको कातिके भंगेरी खानेपानी लिफ्ट आयोजनाको अनुगमन गरेको छ । ६ सय २७ वटा घरका उपभोक्ताहरुलाई लाक्षित गरि सञ्चालनमा आउन लागेको उक्त आयोजनाको लागत १९ करोड ७० लाख रहेको र उक्त आयोजना आगामि बैशाखबाट संचालनमा आउने जानकारी उपभोक्ता समितिका अध्यक्ष गौतम कुमार श्रेष्ठले जानकारी दिनुुभयो ।
मन्थली नगरपालिकाको वडा नं १३ र १४ का उपभोक्तालाई लक्षित गरी सञ्चालन गर्न लागिएको बृहत खानेपानी आयोजनाको स्थलगत अनुगमन गरेको थियो । कुल स्टमेट ३३ करोडको लागतमा निर्माण हुने उक्त आयोजना हाल छ करोड ५० लाख रुपैयाँको लागतमा काम भईरहेको छ । टोलीले प्रदेश सरकार बाट सञ्चालित आयोजनाहरु मध्ये केहि आयोजनाहरु मात्र अनुगमन गरेको टोलिका सदस्य सांसद शान्ति प्रसाद पौडेलले जानकारी दिनु भयो । यस अघि सिन्धुली जिल्लाका विभिन्न योजनाको अनुगमन गर्ने क्रममा दुधौली न पा का ९७ वटा घर र सोहि न पा ११ मा रहेको ४३ घरको नमूना बस्तिको पनि अनुगमन गरेको टोलिका संयोजक सांसद नारायण सिलुवालले जानकारी दिनुभयो । टोलीले बुधबार दोलखा जिल्लाका २ वटा बृहत सिंचाई आयोजनाको अनुगमन गर्ने कार्यक्रम तय गरेको छ ।
प्रदेशका आयोजना मध्ये बहुबर्षिय खालका र केहि नयाँ खालका आयोजनाहरुको छनौट पश्चात अनुगमन गरि देखिएको समस्या,त्यसको दीर्घकालिन प्रभाव र बजेट परिचालनको अबस्था र उठेका कुराहरुको बारेमा प्रतिबेदन तयारी गरी प्रदेश सरकारालाई प्रतिबेदन बुझाउने सांसद सिलुवालले जानकारी दिनुभयो ।
स्थलगत अनुगमनका क्रममा सञ्चालित आयोजनाहरुको कामको अनुगमन गर्न सरोकार कार्यालयका प्रमुख तथा प्रतिनिधि तथा प्राविधिकहरु समेत संगै आयोजना स्थलमा पुगेका छन् । सो क्रममा अनुगमन गरिएका आयोजनाको अबस्था संन्तोषजनक रहेको पाईएको र केहि ठाउँमा अझै पनि बजेटको अभावमा समस्या भएको देखिएकोले त्यसबारेमा पनि जानकारी भएको सांसद शान्ति प्रसाद पौडेलले जानकारी दिनुभयो ।