रामेछाप । नागरिकको हितमा पटक पटक नयाँ नयाँ काम गरेर प्रख्याति कमाएकोे रामेछाप नगरपालिका – ७ सुकाजोरले फेरी पनि नयाँकामको थालनी गरेको छ ।
उसले नागरिकहरुको स्वास्थ्यनै सबै भन्दा ठुलो सम्पति भएकोले उनिहरुको जीबन्त जीवनका लागि आफनो वडाका सबै नागरीकहरुलाई निशुल्क स्वास्थ्य बिमा गराउने उदेश्यले आईतबार देखी निशुल्क स्वास्थ्य बिमा कार्यक्रम सुभारम्भ गरेको हो । वडाअध्यक्ष समिर कार्की,को अगुवाईमा वडा समितिका सदस्यहरु समेतको टोलिले वडाको देविस्थान टोलबाट उक्त सेवा आरम्भ गरेको हो ।
सरकारले स्वास्थ विमा कार्यक्रम लागु गरेको लामो समय वितिसक्दा पनि अधिकाँस वडावासिहरु स्वास्थ्य विमाको पहुँच बाहिरनै रहेको र कतिपयले उपचार खर्चको अभावमा छटपटाउनु परेको भन्दै त्यस खालको कर्मबाट मुक्ति दिलाउनका लागि वडा कार्यालयले सेवा आरम्भ गरेको जानकारी वडाअध्क्ष समिर कार्किले जानकारी दिनु भयो ।
स्वास्थ्य बिमा प्रति नागरीकहरुको आकर्षण बढाउन र सबै नागरिकहरुलाई स्वास्थ्य उपचारमा सरल र सहज पहुँच पुर्याउने उद्देश्यले वडामा रहेका ९ सय २७ घरपरिवारलाई स्वास्थ्य बिमामा जोड्न लागिएको हो । यस अभियानलाई आगामि बर्ष पनि विस्तार गरि सबै परिवारलाई सम्बोधन गरिने छ ।
जस अनुसार वडा कार्यालयले हरेक परिवारको ५ जनाको स्वास्थ्य बिमा निशुल्क गरिदिने छ । वडा नं ७ सुकाजारले गत आबमा बैङकिङ्ग प्रणाली मार्फत घरघरमै समाजिक सुरक्षा भत्ता वितरण,एक घर एक हिलटेक वितरण,धान खेती गर्ने कृषकहरुलाई रासायनिक मल वितरण जस्ता लोकप्रिय कार्यक्रमहरु गरि वडा बासिहरुको मन जित्ने प्रयास गर्दे आएको र यस पटक पनि उसले अर्काे नयाँ कामको थालनी गरेकोमा वडावासिहरुले सन्तुष्टि ब्यक्त गरेका छन् ।
यो बारेमा तपाईको प्रतिकृया