रामेछाप,९ माघ । २० औ सशस्त्र प्रहरी दिवको अवसर पारेर सशस्त्र प्रहरी वल आश्रित गुल्म रामेछापले शुक्रवार मन्थलीमा चियापन कार्यक्रमको आयोजना गरेको छ ।
अनौपचारिक रुपमा आयोजना गरिएको उक्त कार्यक्रमका अवसरमा सशस्त्र प्रहरी प्रमुख एबं प्रहरी नायव उपरिक्षक केशव राज प्याकुरेलले जिल्लामा शसस्त्र प्रहरी वल वसेदेखि हाल सम्मका कामको प्रगतिका वारेमा जानकारी गराउनु भएको थियो । उहाले जिल्लामा वस्दा आफु र आफ्नो टिमले धेरै रचनात्मक कृयाकलाप गर्ने योजना ल्याएको भएपनि सिमित स्रोत र साधनका कारण सोचेजति काम गर्न कठिनई भैरहेको पनि वताउनुभयो । कार्यक्रमा मन्थली नगरपालिकाका नगर प्रमुख रमेश कुमार बस्नेत , प्रमुख जिल्ला अधिकारी अर्जुन कुमार शर्मा गुरागाँई , जिल्ला प्रहरी प्रमुख र पत्रकारहरुको सहभागिता रहेको थियो ।
बिश्व ब्यापि रुपमा फैलिएको कोरोना भाइसर कोभिड –१९का कारण सशस्त्र प्रहरी वल केन्द्रले औपचारिक कार्यक्रम नगरि विबिध कार्यक्रमका साथ मनाउने निर्देशन गरे अनुसार आफुले जनस्वास्थ्यका मापदण्डहरु अपनाएर दिवसको अवसरमा विभिन्न कार्यक्रको आयोजना गरिएको पनि डिएसपी प्याकुरेलले वताउनुभयो । कार्यक्रमका सहभागिहरुले सशस्त्र प्रहरी दिवको अवसरमा शुभकामना आदान प्रदान गरेका थिए ।
सो अवसर पारेर सशस्त्र प्रहरीले गत साता मन्थली माविमा बिपद् ब्यवस्थापन सम्बन्धी सचेतना कार्यक्रम सञ्चालन गरेको थियो भने विहिवार विहान प्रभातफेरी कार्यक्रको अयोजना गरेको थियो ।
सोहि अवसरमा जिल्ला सदरमुकाम भित्र रहेका बिभिन्न मठ मन्दिरहरुको सरसफाई गरिनुका साथै आन्तरीक रुपमा खेलकुद प्रतियोगिता समेतको आयोजना गरिएको थियो ।
त्यस्तैगरी विहिवार शुक्रवार साँझ दिपावली गरिएको थियो भने शनिवार साँझ पनि कार्यालय परीसरमा दिपावली गर्ने कार्यक्रम रहेको छ ।
सशस्त्र प्रहरीले हरेक वर्षको माघ ९ गते प्रहरी दिवस मानाउदै आइरहेको छ ।
यो बारेमा तपाईको प्रतिकृया