रामेछाप,७ फागुन । शुक्रबारदेखि रामेछाप नगरपालिकामा जारी पाँचौँ नगर स्तरीय राष्ट्रपति रनिङ शिल्ड प्रतियोगिताको उपाधि गौरीशंकर माध्यमिक विद्यालय रामेछापले उचालेको छ ।
“स्वास्थ्यका लागि खेलकुद , राष्ट्रका लागि खेलकुद ” भन्ने मूल नाराका साथ रामेछाप नगर भित्रका १३ वटा माध्यमिक विद्यालयहरुको सहभागिता रहेको उक्त खेलका अधिकांस बिधाहरुमा गौरीशकर माविले जित हात पारेपछि प्रथम स्थान हासिल गर्न सफल भएको हो ।
आईतबार सम्पन्न उक्त प्रतियोगितामा सो मावि ले ३८ स्वर्ण, २९ रजत र १४ कास्य पदक प्राप्त गरेको थियो । प्रतियोगितामा जनता मावि कोलन्जोर रामपुरले ५ स्वर्ण, ४ रजत र ६ कास्य पदक सहित द्वितिय स्थान प्राप्त गरेको थियो भने रामेछाप न पा ४ हिमगंगामा रहेको रेणुकादेबी माविले ३ स्वर्ण, ४ रजत र ४ कास्य पदक सहित तृतिय स्थान हसिल गरेको थियो ।
रामेछाप नगरपालिकाको वडा नं–८ स्थित टुँडिखेल मैदानमा भएको उक्त प्रतियोगितामा भलिबल, कबर्दि, एथ्लेटिक्स, छात्र÷छात्रा रिले दौड , तेक्वान्दो , हाईजम्प,लङजम्प, त्रिपलजम्प, ज्याभलिङ थ्रो, सटपुट लगायतका खेलहरुमा प्रतिस्पर्धा गराईएको थियो ।
प्रतियोगिताका विजयी टीम एबं खेलाडी तथा विद्यालयलाई कार्यक्रमका प्रमुख अतिथि एवं रामेछाप नगरपालिकाका प्रमुख लबश्री न्यौपानेले शिल्ड, मेडल र प्रमाणपत्र प्रदान गर्नुभएको थियो ।
समापन कार्यक्रमको अबसरमा बोल्दै नगर प्रमुख न्यौपानेले प्रतियोगितामा विजयी हुनेखेलाडी र सहभागि सबै विद्यालयहरुलाई धन्यवाद दिदै खेलकुदको विकासका लागि नगरले अझै धेरै काम गर्न वाँकी रहेको बताउनुभयो ।
उक्त कार्यक्रममा रामेछाप नगरपालिकाकि उप –प्रमुख वाल कुमारी कार्की, वडा अध्यक्षहरु नगर खेलकुद विकास समितिका पदाधिकारीहरु विद्यालयका शिक्षक एबं विद्यार्थीहरुको सहभागिता रहेको थियो ।
यो बारेमा तपाईको प्रतिकृया