मन्थली,१४ भदौ । आँखालाई जीवनको ज्योतिका रुपमा लिइन्छ । रामेछापका ज्योति गुमेका १ सय भन्दा बढिलाई निः शुल्क आँखा शिविर मार्फत ज्योति फर्काइएपछि उनीहरु अत्यन्तै खुसी भएका छन् ।
रामेछापको मन्थली स्थित तामाकोशी सहकारी अस्पातालमा शुक्रवार र शनिवार दुई दिन सम्पन्न निःशुल्क आँखा शिविरमा एक सय १३ जनाको शल्यकृया भएपछि यहाका आँखाका रोगीहरु गुमेको ज्योति फर्कियो भन्दै हर्षित भएका हुन ।
गाँउमै निःशुल्क शिविर आएरपछि समय र पैसाको खर्च गरेर धेरै टाढा सम्म जानुपर्ने बाध्यता हटेको, अफ्नो गुमेको ज्योति फर्किएको भन्दै रामेछाप ंनगरपलिका वडा नं ८ का केदार नाथ घिमिरेले खुसी ब्यक्त गर्नुभयो ।
घिमिरे मात्र हैन अर्की सेवा ग्राहि सोनमाया घिसिङ पनि आफ्नो गुमेको ज्योति फिर्ता हुने र दुवै आँखा राम्रो सँग देखिने भएपछि असाध्यै खुसी ब्यक्त गर्नुभयो उहाले भन्नुभयो ी जिल्ला सदरमुकाममा आएको आँखा शिविरमा आफुले आँखाको अप्रेशन गर्न पाए , लामो मय देखि धमिलो हुने आँखा नदेख्ने समस्या यस शिविरले समाधान गरिदिएपछि आफुहरु लाइ निकै सहज भएको छ ।
त्यसैगरी रामेछाप नगरपालिका ओख्रेनीका पुर्ण तामाङ र खाडाँदेवी गाँउपालिका स्थित पिङ्खुरीकी मैया तामाङ पनि यो शिविरले आफुहरुलाई निक्कै सजिलो बनाएको बताउनुहुन्छ ।
तिलगंगा आँखा प्रतिष्ठान काठमाण्डौं, जिल्ला सामुदायिक आँखा केन्द्र मन्थली, खाँडादेवी गाँउपालिका माकादुम र सामुदायिक विकास समाज मन्थलीको आयोजना तथा सहकार्यमा तिलगंगा आँखा प्रतिष्ठानकी बरिष्ठ नेत्र रोग विशेषज्ञ सुष्मा दुवालको नेतृत्वमा रहेको ११ जनाको टोलीले शनिवार शिविर सम्पन्न गरेको जिल्ला सामुदायिक आँखा केन्द्र रामेछापका प्रमुख उमेश तामाङले बताउनुभयो ।
शिवरमा १ सय ११ जनाको मोतियाविन्दु र ३ जनाको माइनर अप्रेसशन सहितकुल १ सय १३ जनाको आँखाको अप्रेशन गरिएको जिल्ला सामुदायिक आँखा केन्द्र मन्थलीका आँखा स्वास्थ्य कार्यकर्ता पुश्कल घिमिरेले बताउनुभयो ।
सरकारी अस्पतामा स्वास्थ्य सेवा निःशुल्क भनिएपनि गुणस्तरीय उपचार र औषधि वितरण ब्यवहारमा लागु नहुँदा यहाका मानिसहरु चिन्तित भैरहको बेला
नीजि तथा गैर सरकारी अस्पतालहरुले जिल्ला सदरमुकाममा ल्याएको शिविरमा उपचार गराउन पाँउदा निक्कै खुसी छन् ।
निजि अस्पताल तथा अन्य गैसस एबं सामुदायिक आँखा केन्द्रहरुले रामेछाप जिल्ला सदरमुकाममा बर्षिक रुपमा यस्ता शिविरहरु सञ्चालगर्दै आइरहेको भएपनि सरकारी निकाय भने मौन रहेको छ ।
जिल्लामा रहेको जिल्ला अस्पताल, विभिन्न पालिका अस्पतालहरुमा पनि यो सहित अन्य विशेषज्ञ निःशुल्क स्वास्थ्य परिक्षण शिविरहरु सञ्चालन हुन सके अझै रामेछापमा विभिन्न रोगका विरामीहरुको चाँप घट्ने सामुदायिक विकास समाजका निर्देशक मिलन घिसिङले बताउनुभयो ।
यो बारेमा तपाईको प्रतिकृया