१८ माघ, २०७५
रामेछाप– धेरै विद्यार्थीहरु आफूले अध्ययन गरेको विद्यालयमा अध्ययन गरुञ्जेल सम्म मात्रै बस्छन् । अध्ययन सके पछि थप उच्च शिक्षा हासिल गर्न या रोजगारीको लागि कुनै अर्को ठाउँमा जान्छन् । उनिहरुले आफूले अध्ययन गरेको विद्यालयलाई कहिल्यै पनि सम्झिदैन्न । तर, मन्थली माध्यमिक विद्यालयमा कक्षा १ देखि स्नातक तह सम्मको अध्ययन गरेका मन्थली नगरपालिका वडा नम्बर १ का लक्ष्मण भुजेलले भने विद्यालको पठनपाठनलाई सहयोग हुने गरी आर्थिक सहयोग गरेका छन् । उनले आफूले शिक्षा लिएको विद्यालयको पठनपाठनलाई सहयोग गर्ने उद्देश्यका साथ पचास हजारको चेक हस्तान्तरण गरेका छन् ।
उनले अहिलेको युग प्रविधियुक्त युग भएको र त्यसलाई थप सहयोग पुग्ने अपेक्षाले उक्त रकम हस्तान्तरण गरेको बताए । धेरै चाप हुने विद्यालयमा प्रविधिबाट पठनपाठन गर्दा शिक्षक तथा विद्यार्थीलाई सहज हुने भएकाले उक्त विद्यालयलाई सहयोग पुग्ने उनको भनाइ छ । शुक्रबार विद्यालयले आयोजना गरेको एक कार्यक्रमका बिच उनले विद्यालयलाई उक्त चेक हस्तान्तरण गरेका हुन् । भुजेल मन्थली माबिका पुर्व शिक्षक समेत हुन् । विगत ८ वर्ष देखि सरकारी सेवामा कार्यरत उनि अहिले जिल्ला प्रशासन कार्यालयमा सेवारत रहेका छन् ।
यो बारेमा तपाईको प्रतिकृया