विद्यालय भवनको गुणस्तरमा ट्रान्सपरेन्सीको अभियान

रामेछाप ३० मंङ्सिर । २०७२ सालको विनासकारी भुकम्प पछि लाभग्राहीहरुको पुनः निर्माणको गुणस्तरका लागि रामेछाप जिल्लामा अभियान चलाउँदै आएको ट्रान्सपरेन्सी ईन्टरनेसनलले विद्यालय भवनको दीर्घजीवन र गुणस्तरलाई पनि आफ्नो अभियानमा जोड्दै आएको छ ।
पाँच वर्ष अघि गएको विनासकारी भुकम्पमा ठूलो मात्रामा जन धनको क्षति भएपछि पुननिर्माणको पारदर्शितामा जुटेको ट्रान्सपरेन्सीले मंगलबार मन्थली नगरपालीका भित्र निर्माणाधिन विभिन्न विद्यालयका भवन निर्माणको अबस्था र गुणस्तरताको वारेमा मंगलवार अन्तरक्रिया कार्यक्रम सम्पन्न गरेको छ ।
विभिन्न दातृहरुको सहयोगमा निर्माणको क्रममा रहेका नगर भित्रका विद्यालयको निर्माणमा गुणस्तरीयता कायम गर्न सके तीनिहरुको आयू दीर्घजीवि हुँने र त्यसबाट विद्यालयको पठन पाठनमा समेत सहज हुने हुँदा ट्रान्सपरेन्सीले आफ्नो अभियानलाई भुकम्प प्रभावित १४ वटै जिल्लामा संचालन गर्दे आएको ट्रान्सपरेन्सी रामेछापका जिल्ला संयोजक दिपक केसीले जानकारी दिनुभयो ।
अभिभावक र विद्यालय विच विद्यालयको भवनमा अपनत्व स्थापित गराउँदेै भवन निर्माणको अवस्थाका वारेमा सरोकारवालाहरुलाई जानकारी समेत गराउने उदेश्यले मंगलबार गरिएको अन्तक्रिया कार्यक्रममा नगरभित्रका ८ वटा विद्यालयका प्रअ र विद्यालय व्यवस्थापन समितिका अध्यक्षहरुले भवन निर्माणको अवस्थाका वारेमा जानकारी गराएका थिए ।

नेपाल सरकार सँगको सहकार्यमा पुनः निर्माणको चरणमा रहेका विद्यालय भवनहरु दीगो र भरपर्दो वनुन भन्ने मुख्य उ्देश्यका साथ टिआई नेपालले गरेको कार्यक्रमका अवसरमा बोल्दै मन्थली नगर शिक्षा शाखाका प्रमुख हेमन्त बुढाथोकीले भवनको गुणस्तर विद्यालयको मुख्य आधार रहेको भन्ने मान्यताका साथ पुनः निर्माणको कार्यको गुणस्तरका लागि नगरपालिका पनि लागि रहेको वताउनुभयो । उहाँले भन्नुभयो– “मुलुक संघियतामा गए संगै शैक्षिक तथा भौतिक सुधारको जिम्मेवारी पनि नगरमानै आएकोले भुकम्पपछि वनेका र वन्ने क्रममा रहेका सवै विद्यालयका भवन सँंगै शिक्षाको गुणस्तरीय सुधारका लागिपनि नगरपालिकाले आफ्ना कर्महरु अगाडि बढाई रहेको छ ।”
कार्यक्रममा जिल्ला आयोजना कार्यालयका प्रमुख निर्मल घिमिरेले भुकम्प पछि वनेका विद्यालयका भवनमा जान अन्जानमा केहि समस्याहरु देखिएका भएपनि हाल निर्माणाधिन र निर्माणका क्रममा रहेका विद्यालयको भवनको गुणस्तरका लागि कार्यालयले नियमित चासोका साथ अनुगमन गरेको वताउनुभयो ।
कार्यक्रमा सहभागि विद्यालय ब्यवस्थापन समितिका अध्यक्ष र प्रधानाध्यापक हरुले विद्यालय भवन निर्माणको अवस्थाका बारेमा जानकारी गराउँदै त्यसको पारदर्शिता र गुणस्तरियता सुधारमा आफुहरुले पनि कुनै कसुर नराख्ने प्रतिवद्धता जनाएका थिए । कार्यक्रममा जिल्लाका विभिन्न संचार माध्यमका प्रतिनिधिहरुले समेत आफ्नो सहभागिता मार्फत भवन निर्माणको गुणस्तरका बारेमा सवैको ध्यान जानका लागि सुझाव दिएका थिए ।