रामेछाप १८ फागुन । आफ्नो जातिको संस्कृतिलाई जोगाउन रामेछापका माझी जातिहरूले मंगलवार आफ्नो समुदाय नजिकै रहेको तामाकोशी नदी किनारमा गएर लदि पुजा आजा गरेका छन् । माझी भाषामा नदी लाई लदि भन्ने चलन रहेकाले आजको दिनलाई उनीहरु लदी पूजा भन्दै पर्वको रुपमा मनाउछन् । पुर्खौ देखिनै हरेक बर्ष आजकै दिन माझि समुदायले आफ्नो संस्कृतिको जर्गेना तथा जाति र समुदायको दीर्घजीवि सुरक्षाको कामना गर्दै आफ्नो वस्ति नजिकैका नदी किनारमा गएर नदी देवता लाई खुसि बनाउन देबताको प्रार्थाना गर्दे उनीहरुले नदी पुजा गरेका हुन् ।
विषेशगरी रामेछाप जिल्लाको तामाकोशी,सुनकोशी नदी र खिम्ति र भटौली खोलालाको किनारमा बस्दै आएका हजारौ माझी समुदायको सम्बन्ध नदी संग विषेश हुने भएकोले सदियौ देखि नदि र माझिको सम्बन्धलाई मामा भान्जाको नाता सँग जोडिदै आएकोले पनि माझि समुदायले लदी पुजालाई विषेश महत्व दिंदै आएकौ गाईखुराका माझि अगुवा बालकृष्ण माझीले बताउनु भयो ।
नदी किनारको असुरक्षित बसोबास सँगै,नदीमा माछा मार्ने ब्यवसायनै मुख्य पेशा भएकोले आफ्नो र आफ्नो समुदायमा पर्न सक्ने संभावित सुरक्षाको कामना गर्दै उक्त समुदायले आफ्नो संस्कृति र रीति रिवाजको जगेर्ना गर्ने मुख उद्देश्यका साथ भगवान खुसी बनुन् भन्ने आब्हन गर्दै सामुहिक रुपमा लदि पुजा गर्नै गरेको पनि उहाले जानकारी दिनुभयो ।
आफ्नो समुदायको लागि विषेश महत्व राख्ने लदी पुजाको मुख्य दिन मंगलबार उनीहरुले गाउँ वस्ती नजिकैको नदी किनारमा सामुहिक भेला भएर लदी पुजा गरेका हुन । दर्जन जति स्थानका माझि समुदायले आफ्नो रीति रीवाज अनुसार लदी पुजा गरेका भए पनि रामेछाप नगरपालिका –५ कोलोन्जोरघाटका माझीहरूले आफ्नो नगरपालिकाकी उपमेयर सृजना खड्का लगायत आफ्ना जनप्रतिनिधि र मन्थली नगरपालिका वडा नं ८ गाईखुराका माझी जातिले स्थानीय संञ्चार माध्यमका प्रतिनिधिहरुलाई बोलाएर परंम्परागत रुपमा मनाउँदै आएको लदि पुजा गरेका हुन् ।
यी दुई बाहेक अन्य समुदायका माझीहरुले पनि आफुले बर्षेनी पुजा गर्दे आएका नदी किनारमा जम्मा भएर मूल पुजारीको अगुवाईमा लदी पुजा गरेका छन् । जस अनुसार उनीहरुले आरम्भमा नदी किनारमा पूजाको लागि अनिवार्य मानिले चामलको पिठोको विशेष किसिमको परिकार र पूजाको सामाग्री तयार गरी नुहाई धुवाई गरेको पुजारीले चोखो मूल मेडोको रुपमा तयार पारेको पाठीको भोग दिएर पुजा आरम्भ गर्ने गरेको मुख्य पुजारी सेते माझीले बताउनु भयो ।
यो बारेमा तपाईको प्रतिकृया