मन्थलीमा डोरी तानातान

रामेछाप २७ फागुन । रामेछाप जिल्लाको सदरमुकम मन्थलीमा जिल्ला खेलकुद विकास समिति रामेछापले पालिका स्तरीय तानडोरी (टग अफ वार, डोरी तानातान) प्रतियोगिता गर्ने भएको छ ।

समितिले सो कुरा विहिबार मन्थलीमा पत्रकार सम्मेलनको आयोजना गरि बताएको हो । साहासिक र पर्यटकीय खेलका रुपमा लिइएको यस खेल जगतमानै उत्कुष्ठ स्थान कमाएको र यो प्रतियोगिता यहि फागुन २९ गते जिल्ला समन्वय समितिको हाताभित्रवाट सुरु गरिने जिल्ला खेलकुद विकास समितिका कार्यालय प्रमुख केशव कट्टेलले वताउनुभयो ।
दुई ग्रुप मिलेर डोरीको माध्यमबाट खेलिने उक्त खेलमा जिल्लाका २ वटा नगरपालिका र ४ वटा गाउँपालिकाहरूको टिमले सहभागिता जनाउने जिल्ला खेलकुद विकास समितिका अध्यक्ष राजेश श्रेष्ठले जानकारी दिनुभयो । विजयी खेलाडिहरुलाई नगद पुरस्कार र प्रमाण पत्र प्रदान गरिने र यो खेलका लागि अन्तिम तयारी पुरा भैसेको पनि वताइको छ ।

कोभिड –१९ का कारण थलिएको खेलकुद प्रतियोगिता विगत एक बर्ष देखि रामेछापमा पनि ठप्प भएकोले यस वर्ष भने समितिले खेल गतिविधिलार्ई सक्रियता पुर्वक संचालन गर्नै जानकारी जिल्ला खेलकुद विकास समितिकि सदस्य सिता केसीले गराउनुभयो । गत वर्ष जिल्लाका लागि प्रदेश सरकार बाट प्राप्त ८ करोड रुपैयाँ कोभिडका कारण फ्रिज भएर गएकोले यस वर्ष भने खेल क्षेत्रलाई ओझेलमा पर्न नदिने अध्यक्ष श्रेष्ठको भनाइ रहेको छ