२० जेठ, २०७६
रामेछाप- रामेछापको उमाकुण्ड गाउँपालिका- ३ कुबुकास्थलीमा आयोजना गर्न लागिएको खेलकुद, साँस्कृतिक तथा पर्यटन प्रवर्धन महोत्सव २०७६ को तयारी अन्तिम चरणमा पुगेको छ ।समग्र गाउँपालिकाको पर्यटन प्रवर्धनका लागि आयोजना गर्न लागिएको महोत्सवमा खेलकुद देखि प्याराग्लाइडिङ उडान लगायतका आकर्षण रहेको महोत्सव यहि जेठ २२ गतेदेखि २५ गते सम्म हुँदैछ ।
वडालाई सम्बृद्ध बनाउन वडा भित्र थुप्रै सम्भावनाहरू रहेको र ती सम्भावनाहरू मध्ये आन्तरिक तथा वाह्य पर्यटक भित्र्याउनको लागि कुबुकास्थलीको अजमडाडाँ देखि डाँडाखर्क सम्म प्याराग्लाइडिङ उडान गर्न लागिएको वडाध्यक्ष रमेश सुनुवारले जानकारी दिनुभयो ।
प्याराग्लाइडिङ उडानका लागि बिभिन्न कारणले कुबुकास्थलीको उक्त ठाउँ उपयुक्त रहेकाले प्याराग्लाइडिङ उडान सफल हुने वडाध्यक्ष सुनुवारको दाबी छ ।
त्यस्तै महोत्सवमा भलिबल प्रतियोगिता पनि राखिएको छ । महोत्सवमा स्थानीय संस्कृति झल्कने झाँकी लगायतका साँस्कृतिक कार्यक्रम समेत राखिएको आयोजकले जानकारी दिएको छ। महोत्सव खेलकुद कार्य समिति उमाकुण्ड ३ नं. वडा कार्यालयको आयोजना, उमाकुण्ड गाउँपालिका- ३ को प्रायोजन र जागृत युवा क्लबको सह-प्रायोजनमा हुन लागेको हो ।
यो बारेमा तपाईको प्रतिकृया