खेलकुदको दिगो विकास मेरो प्रतिबद्धता–सदस्य सचिब घिसिङ

रामेछाप २३ मंसिर । राष्ट्रिय खेलकुद बिकास समितिका सदस्य सचिब टंकलाल घिसिङले खेलकुद क्षेत्रको दिगो बिकास नै आफ्नो प्रतिबद्धता भएको बताउनु भएको छ ।
विहिवार प्रेस सेन्टर रामेछापले मन्थलीमा आयोजना गरेको पत्रकार भेटघाटका क्रममा उहाले सो कुरा बताउनु भएको हो ।

उहाले अब हरेक जिल्लामा बहुद्देस्शिय कभर्ड हल निर्माण गरिने र प्रत्येक निर्बाचन क्षेत्रमा एक ÷एक वटा खेल मैदान अनिवार्य निर्माण गर्ने गरी आफुले काम थाल्ने बताउनुभयो । सरकार सँग समन्वय गरी तिनै तहका सरकारले गर्ने खेलकुदका कार्यक्रममा दोहोरोपना नपर्ने गरी कार्यक्रमहरुका लागि आफुले समन्वय गर्ने पनि उहाले बताउनुभएको थियो ।
रामेछाप फुटवल संघले आज देखि मन्थलीमा आयोजना गरेको प्रथम रामेछाप जिल्ला फुटवल लिग –२०७८ को उद्घाटन गर्न घिसिङ गृह जिल्ला रामेछाप आउनु भएको हो ।