रामेछाप १५ फागुन । जिल्लाको सुनापति गाउँपालिकामा अध्यक्ष कप खेलकुद प्रतियोगिता हुने भएको छ । पालिकाको खेलकुदसँग सम्बन्धीत कार्यक्रमहरुलाई बृद्धि गर्न अध्यक्ष कप प्रतियोगित संचालन गर्न लागेको बताइएको छ । जस अन्र्तगत पालिकाले जिल्लामा हाल सम्मकै सर्वाधिक पुरस्कार राशिको प्रतियोगिता आगामी चैत्र ५ गतेदेखि ८ गतेसम्म संचालन गर्न लागेको हो ।
पालिकाले सदरमुकाम मन्थलीमा पत्रकार सम्मेलनको आयोजना गरी प्रतियोगिताको बारेमा जानकारी दिएको हो ।
पत्रकार सम्मेलन गरी गाउँपालिकाले तेश्रो सुनापति गाउँपालिका अध्यक्ष कप खेलकुद प्रतियोगिता अन्तर्गत जिल्ला स्तरीय अन्तरपालिका पुरुष भलिबल प्रतियोगिता र ब्याडमिन्टन प्रतियोगिता सञ्चालन गरिने सुनापति गाउँपालिका खेलकुद विकास समितिका अध्यक्ष गोविन्द घिमिरेले जानकारी दिनुभयो ।
जिल्ला स्तरीय खेलकुद प्रतियोगिता अन्तर्गत तेश्रो सुनापति गाउँपालिका अध्यक्ष कपलाई सर्वाधिक पुरस्कार राशीको प्रतियोगिता मानिएको गाउँपालिकाले जनाएको छ । प्रतियोगिताको प्रथम पुरस्कार २ लाख रुपैयाँ नगद सहित ट्रफी मेडल र प्रमाण–पत्र रहेको छ । त्यसैगरी द्धितीय पुरस्कार १ लाख रुपैयाँ नगद, ट्रफी मेडल र प्रमाण–पत्र तथा तृतीय पुरस्कार ५० हजार रुपैयाँ नगद, ट्रफी मेडल र प्रमाण–पत्र रहेको छ भने सान्त्वना पुरस्कारमा २५ हजार रुपैयाँ नगद सहित ट्रफी र प्रमाण–पत्र रहेको छ ।
त्यस्तै सर्वोत्कृष्ट खेलाडी १० हजार रुपैयाँ नगद सहित ट्रफी र प्रमाण–पत्र, उत्कृष्ट स्पाइकर ५ हजार नगद सहित ट्रफी र प्रमाण–पत्र, उत्कृष्ट सटर ५ हजार नगद ट्रफी र प्रमाण–पत्र, उत्कृष्ट ब्लकर ५ हजार नगद ट्रफी र प्रमाण–पत्र, उत्कृष्ट डिफेण्डर ५ हजार नगद ट्रफी र प्रमाण–पत्र, उत्कृष्ट सर्भर ५ हजार नगद ट्रफी र प्रमाण–पत्र रहेको छ भने उत्कृष्ट प्रशिक्षकलाई पनि ५ हजार नगद ट्रफी र प्रमाण–पत्र प्रदान गरिने आयोजकले कार्यक्रमका अबसरमा जानकारी गराएको छ ।
ब्याडमिन्टनतर्फ प्रमथ पुरस्कार १५ हजार नगद, ट्रफी मेडल र प्रमाण–पत्र, द्धितीय पुरस्कार १० हजार नगद ट्रफी, मेडल र प्रमाण–पत्र, तृतिय पुरस्कार ५ हजार नगद, ट्रफी, मेडल र प्रमाण–पत्र रहेको छ । त्यसैगरी सान्त्वना हुनेलाई २ हजार ५ सय रुपैयाँ नगद सहित ट्रफि र प्रमाण–पत्र दिने कार्यक्रम रहेको छ । त्यस्तै उत्कृष्ट खेलाडी पुरस्कार १ हजार नगद सहित ट्रफी र प्रमाण–पत्र रहेको छ ।
प्रतियोगिताको क्रममा कुनै पनि खेलाडीहरु घाइते भएमा उनीहरुको सम्पूर्ण उपचार समेत गाउँपालिकाले नै गरिदिने पनि अध्यक्ष लामाले जानकारी दिनुभयो ।
। प्रतियोगितामा सहभागि हुने खेलाडीहरुको समुहको मनोबल बृद्धि गर्नका लागि पालिकाले सहभागि सबै समूहलाई दैनिक भत्ताको समेत ब्यवस्था गरेको सुनापति गाउँपालिका अध्यक्ष धावा लामाले बैठकका अबसरमा जानकारी गराउनुभएको थियो ।
ग्रामिण स्तरमा रहेका खेलाडीहरुको पहिचान गरी उनीहरुको क्षमता विकास गर्ने उद्देश्यले खेलकुद प्रतियोगिता आयोजना गरिएको पनि उहाको भनाई थियो । पत्रकार सम्मेलन गाँउ पालिकाका अध्यक्ष धावा लामाको अध्यक्षतामा भएको थियो ।
यो बारेमा तपाईको प्रतिकृया