मन्थली, २ असार । रामेछाप जिल्लामा नेपालकै पहिलो पटक डुङ्गा दौड प्रतियोगिता हुने भएको छ । आफ्नो समुदायको पहिचान संरक्षण तथा पुराना खेलको जगेर्ना गर्ने उद्देश्यले रामेछापमा प्रथम डुङ्गा खुल्ला पुरुष दौड प्रतियोगिता आयोजना गरिएको रामेछाप माझी उत्थान संघका अध्यक्ष इन्द्र बहादुर माझीले जानकारी दिनुभयो ।
सो कुरा उहाले मन्थलीमा बिहिवार आयोजना गरिएको प्रथम खुल्ला दौड प्रतियोगिताको बारेमा गरिएको पत्रकार सम्मलेनका अबसरमा जानकारी गराउनु भएको हो
माझी भाषामा डुङ्गा लाई लाउ र नदि लाई लदि भनिन्छ । उनीहरुको भाषामा लदिमा लाउ दौड ंप्रतियोगिता डबल र सिङगल गरि दुई विधामा खेलाइने छ ।
रामेछाप जिल्ला खेलकुद विकास समितिका प्रमुख केशव कट्टेलका अनुसार– सिङ्गल तर्फ २ जना र डबलमा ४ जना एक पटकमा सहभागि हुने छन् । राष्ट्रिय खेलकुद परिषदद्धारा आयोजित प्रतियोगिता रामेछापको मन्थली नगरपालिका वडा नं.–६ स्थित सेलेघाटमा सञ्चालन गरिने छ, जुन तामाकोशी र सुनकोशीको संगम स्थल हो । प्रतियोगितामा २० जिल्लाबाट प्रतियोगिहरुको सहभागिता रहने आयोजकले जानकारी दिएको छ ।
पानीमा डुङ्गा दौडाउने प्रतियोगिता भएकाले सम्भावित दुर्घटनालाई ध्यानमा राखि ¥याफ्टिङ्ग सहितको गोताखोर पनि संगसँगै रहने छ । साथै प्रतियोगितमा सहभागि खेलाडीहरु दुर्घटना भएमा प्रतिब्यक्ति २ लाख रुपैयाँ विमाको समेत ब्यवस्था गरिएको आयोजकले जानकारी दिएको छ । यही असार ४ गते सञ्चालन हुने प्रतियोगितामा देशभरीबाट १ हजार प्रतियोगिहरुको सहभागिता रहने आयोजकले जनाएको छ ।
प्रतियोगिताको सिङ्गत विधातर्फ प्रथम पुरस्कार नगद २० हजार रुपैयाँ, मेडल र प्रमाण–पत्र रहेको छ भने द्धितीय पुरस्कार १५ हजार नगद, मेडल र प्रमाण–पत्र रहेको छ त्यसैगरी तृतिय पुरस्कारमा १० हजार नगद, मेडल र प्रमाण–पत्र रहेको छ भने डबल विधातर्फ प्रथम पुरस्कार नगद ३० हजार रुपैयाँ मेडल र प्रमाण–पत्र रहेको छ । त्यस्तै द्धितीय पुरस्कार नगद २० हजार, मेडल र प्रमाण–पत्र रहेको छ भने तृतीय पुरस्कार १० हजार नगद, मेडल र प्रमाण–पत्र रहेको छ पनि आयोजकले जनाएको छ । उक्त प्रतियोगिता माझी उत्थान संघ रमेछापको समन्वय, मन्थली नगरपालिकाको सहयोग र जिल्ला खेलकुद विकास समितिको ब्यवस्थापनमा हुन लागेको हो ।
यो बारेमा तपाईको प्रतिकृया