रामेछाप । मन्थली नगर कार्यपालिकाको बैठकले पालिका स्तरको खेलकुद विकास समिति र युवा परिषद् गठन गरेको छ । २० साउनमा बसेको नगरकार्यपालिकाको बैठकले नगर भित्रको खेलकुद,युवा परिषद,मन्थली नगरविकाश समिति र नगर शिक्षा समिति गठन गरि नगरको चार विधामा पदाधिकारी गठन गरेको हो ।
नगर कार्यपालिकाको चालु आर्थिक वर्षको गत शुक्रबार बसेको पहिलो बैठकले नगरपालिका स्तरीय खेलकुद विकास समिति अध्यक्षमा गोपाल माझीलाई मनोनीत गरेको छ । त्यस्तै उपाध्यक्षमा वासुदेव फुयाँल तथा सदस्यहरूमा वडा नं २ का वडाध्यक्ष सुरेन्द्र कार्की र कार्यपालिका सदस्य मुना कार्कीलाई मनोनीत गर्ने निर्णय गरेको छ ।
कार्यपालिकाको बैठकले मन्थली नगरको नगर विकास समिति सदस्यमा क्रमशः वडा नं १ र ३ का वडाध्यक्ष होमप्रसाद पौडेल र कृष्णगोपाल श्रेष्ठ तथा कार्यपालिका सदस्य उद्धव रम्तेललाई जिम्मेवारी दिन पनि निणर््ाय गरेको छ । त्यसैगरि नारायणदास श्रेष्ठ र शान्ता न्यौपाने सुवेदीलाई पनि नगरको सदस्यमा मनोनीत भएको नगरपालीकाले जनाएको छ ।
बैठकले वडा नं ८ का वडाध्यक्ष गोपाल श्रेष्ठ र वडा नं २ का वडाध्यक्ष सुरेन्द्रबहादुर कार्कीलाई पनि मन्थली नगर शिक्षा समितिको सदस्यमा मनोनित गरेको छ । मन्थली नगरको नगर शिक्षा समिति संगै ४ विधामा मनोनित गरेको छ । त्यसैगरि बैठकले नगर युवा परिषद्को उपाध्यक्षको जिम्मेवारी अनेरास्ववियुका नेता पुष्कर भट्टराईलाई दिने पनि निर्णय गरेको छ । भट्टराईको नियुक्ति संगै चारवटै विधाले पुर्णता पाएको मन्थली नगरपालीकाका उप सचिब हेमन्त बुढाथोकिले जानकारी दिनु भयो ।
यो बारेमा तपाईको प्रतिकृया