रामेछाप,१५ असोज । दिपशिखा ब्वाइज युनाइटेड क्लब रामेछापद्वारा आयोजित जिल्लाकै सर्वाधिक पुरस्कार राशि भएको दोस्रो रामेछाप कप खुल्ला पुरुष फुटबल प्रतियोगिताको उपाधि मन्थलीको सानीमदौ सोसियल सिटीले हात पारेको छ ।
शनिबार सम्पन्न भएको फाइनल खेलमा मा सानीमदौ सोसियल सिटीले रिभरसाइड क्लब गाइखुरालाई पेनाल्टी सुट आउटमा पराजित गरेको हो । निर्धारित समयसम्म दुवै टिमबाट गोल नभएपछि प्रतियोगिता पेनाल्टी सुटआउटमा पुगेको थियो । पेनाल्टीमा समेत दुवै टिमले ५÷५ गोल गरेका थिए । त्यसपछि रेफ्रीले अतिरिक्त पेनाल्टी सुटको मौका दिएका थिए । अतिरिक्त पेनाल्टीमा सानीमदौले १ गोल गरेको थियो भने गाईखुराको पेनाल्टी गोलरक्षकले नियन्त्रणमा लिएका थिए ।
बिजयी प्रथम दितिय र तृतिय हुने क्रमश सानीमदौ सोसियल सिटीलाई ३ लाख ३ हजार नगद पुरस्कार, ट्रफी, मेडल र प्रमाणपत्र हात पारेको छ । दोस्रो हुने रिभरसाइड गाईखुरा रामेछापले २ लाख २ हजार नगद, ट्रफी, मेडल र प्रमाण पत्र तृतीय स्थानमा रहेको आयोजक दीपशिखा ब्वइज युनाइटेड क्लबले १ लाख १ हजार नगद सहितको पुरस्कार प्राप्त गरेका थिए । सान्त्वना ह’ने ए बि सि क्लव आकासेलाई नगद २५ हजार सहित सिल्ड मेडल र प्रमाणपत्र बितरण गरिएको थियो ।
प्रतियोगितामा विजयी टिम तथा खेलाडीलाई मन्थली नगरपालिकाका प्रमुख लव श्रेष्ठले पुरस्कार वितरण गरेका थिए । यहि असोज १० गते देखि सुरु भएको उक्त खेलमा १५ वटा समुह सहभागि भएका थिए ।
यो बारेमा तपाईको प्रतिकृया