मन्थली ,५ चैत्र । जिल्ला अस्पताल रामेछापमा आईतबार एक दिने दिने निःशुल्क मुटुरोग विशेषज्ञ स्वास्थ्य शिविर सम्पन्न भएको छ । उक्त शिविरबाट तीन सय त्रिचालिस जना लाभान्वित भएका छन् ।
जिल्ला अस्पताल विकास समिति रामेछापका अध्यक्ष यम पाख्रिनका अनुसार शहीद गंगालाल फाउन्डेशन नेपालको आयोजना,शहीद गंगालाल राष्ट्रिय ह्ृदय केन्द्रको प्राविधिक सहयोग र रामेछाप नगरपालिका तथा जिल्ला अस्पतालको सहयोगमा आइतवार साझ सम्म सञ्चालित शिबिरवाट उहाहरु लाभान्वित हुनुभएको हो ।
शिविरमा एक सय जनाको मुटुको भिडियो एक्सरे,एक सय पन्द्र जनाको ईसिजि, र एक सय अठार जनाको सामान्य मुटुरोग परीक्षण गरिएको रामेछाप अस्पतालका डा केशव श्रेष्ठ ले बताउनुभयो ।
१० जना मुटुरोगीलाई भने गंगालाल अस्पताल रिफर गरिएको छ । शिविरमा गंगालाल अस्पतालका विशेषज्ञ चिकित्सकहरुले सेवा दिनुभएको थियो ।
शिवरको उद्घाटन नेपाली काँग्रेसका पुर्व महामन्त्री एबं वर्तमान संघिय सांसद डा. शसाङ्क कोइरालाले गर्नुभएको थियो । उद्घाटनका क्रमा वोल्दै उहाले रामेछाप मलाई धेरै माया लाग्ने जिल्ला पर्ने भएकोले यहाको विकासका लागि आफु सधै तयार रहेको बताउनुभयो । उहाले यस्ता शिविरहरुले धेरै नागरिकलाई फाईदा पुग्ने भएकोले यस प्रकारका शिविरहरु देशभर सञ्चालन गर्नुपर्ने कुरालाई पनि जोड दिनुभयो ।
यो बारेमा तपाईको प्रतिकृया