मन्थली , २३ चैत । रामेछापको मन्थली विमानस्थलबाट सोलुको लुक्ला जाने पर्यटकहरु दैनिक रुपमा बढदै गएपछि मन्थली विमानस्थलमा सामान एक्स–रे मेसिन राखिएको छ । नियमित चेक जाँचमा सहज होस भन्ने भन्ने उद्देश्यले पहिलोपटक सामान एक्स रे मेसिन मन्थली विमानस्थलमा सञ्चालनमा ल्याइएको हो ।
मेसिन नहँुदा हवाइ जहाज बाट यात्रा गर्ने स्वदेशी तथा विदेसी यात्रुहरुको प्रहरीले झोला खोलेर चेक जाँच गर्ने गरेको थियो ।
हवाई जहाजमा लैजान प्रतिबन्धित गरिएका सामानहरु ओसार पसार नहोस भनेर यस अघि प्रहरीले झोला खोलेरनै चेक जाँच गर्ने गरेको थियो ।
जिल्लामा मेसिन प्राप्त भएपछि झोला प्रहरीहरुलाई झोला खोलिरहनु पर्ने झन्झट नभएको र समयको समेत बचत हुने गरेको नानगरिक उडयन प्राधिकरण रामेछापका बरिष्ठ अधिकृत प्रज्ज्वल गुरागाँईले बताउनुभयो । उक्त मेसिन नागरिक उडयन प्राधिकरण काठमाण्डौले रामेछापलाई उपलब्ध गराएको हो ।
यो बारेमा तपाईको प्रतिकृया