मन्थली,१३ असार । मन्थली मावि मन्थलीमा बाट २०८० चैत्र मा एस.इ.इ को परीक्षा दिएका सुवोध ढुंगेल जिल्लमा सबैभन्दा बढि ४ जि पि ए ल्याई जिल्ला प्रथम हुन सफल भएका छन् ।
यस अघि लिटिल स्टार इङ्लिस बोर्डिङ स्कुल मन्थली बाट आधारभूत तहको पढाइ सकेका ढुंगेलले माध्यामिक तहको अध्ययन गर्न भने सामुदायिक विद्यालय मन्थली मावि नै रोजेका थिए ।
मेहनत गर्ने बिद्यार्थीले सामुदायिक विद्यालयबाट पनि राम्रो अंक ल्याएर पास गर्न सक्छन् भन्ने सन्देश सुवोध ढुंगेलले दिएको मन्थली माविका प्रधानाध्यापक टंक प्रसाद दाहालले वताउनुभयो ।
शैक्षिक क्षेत्रका दिग्गज मानिने वुवा आमाको काखमा हुर्किएका ढुंगेल परिवारको स्थायी घर ओखलढुंगा भएपनि लामो समय देखि वुवा आमा रामेछापमा शिक्षकको रुपमा काम गरिरहनु भएकोले उनको पढाई पनि मन्थली बाटै सूरुवात भएको थियो ।
कक्षामा असल,इमान्दार र मेहनती विद्यार्थीका रुपमा परिचित ढुंगेलले राम्रो अंक ल्याएर एस इ इ पास गर्ने कुरा आफुहरुलाई पहिले नै अनुमान भएको मन्थली माविका सहायक प्रधानाध्यापक चन्द्र सिं धामीले बताउनुभयो ।
सुबोधको बुबा सिताराम ढुंगेल र आमा प्रमिला दाहाल ढुंगेल दुवै जना सामुदायिक विद्यालयमा पढाउनु हुन्छ ।
आफु सामुदायिक विद्यालयमा पढाउने तर आफ्ना छोराछोरी लाई निजी विद्यालय पढाउने प्राय अधिकांस शिक्षकहरुलाई उहाहरुले दिनु भएको चुनौतिले सार्थकता पाएको नेपाल प्रेस युनियनका सचिब सागर वोहोराले बताउनुभयो ।
उहाले भन्नुभयो– उहाहरु दुबै जना सामुदायिक बिद्यालयका शिक्षकहरू भएकाले आफ्नो छोरालाई पनि सामुदायिक विद्यालयमै पढाएर राम्रो नं ल्याउन सफल हुनु भएको छ , म उहाँहरुलाई हृदय देखिनै धन्यवाद दिदै सम्मान गर्न चाहान्छु ।”
यो बारेमा तपाईको प्रतिकृया