रामेछाप ८ असोज । मानव सेवामा समर्पित अन्तर्राष्ट्रिय संस्था लायन्स क्लब इन्टरनेशनलले रामेछाप जिल्लाका दोरम्वा गाउँपालिकाका पहिरो पीडितहरूका लागि राहत सामाग्री प्रदान गरेको छ ।
रामेछाप उद्योग वाणिज्य सङ्घ सँगको समन्वयमा संस्थाले सोमबार जिल्लाको दोरम्बा सैलुङ गाउँपालिका वडा नं १ डडुवा, वडा नं ३ टोकरपुर लेखर्क स्थित पहरी गाउँका पहिरो पीडितलाई काठमाडौ बाट सामान लिएर आएको संस्थाको आधिकारीक समुहले राहत सामाग्री वितरण गरेको हो ।
टोलीले सोमबार दिउँसो दोरम्बा सैलुङ गाउँपालिकाको कार्यालय थाम चउरमा पुगेर गाउँपालिका अध्यक्ष मैनकुमार मोक्तान लगायतका जनप्रतिनिधिहरूको रोहबरमा पहिरो पीडितहरूका लागि ल्याएको राहत सामाग्री संयुक्त रूपमा प्रदान गरेको थियो ।
सो क्रममा लायन्स क्लब इन्टरनेशनलले दोरम्बा सैलुङ गाउँपालिकाका पहिरो पीडित परिवारहरूका लागि दाल चामल खाने तेल लगायतका अन्य खाद्यान्न सामाग्री, ओढ्ने ओछ्याउने कपडा, पकाउने, खाने भाँडाकुँडा लगायतका राहत सामाग्रीहरू प्रदान गरिएको लायन्स क्लब इन्टरनेशनलका पूर्व अध्यक्ष शम्भुप्रसाद घिमिरेले बताउनुभयो ।
जिल्लाको समाज सेवालाई पहिलो प्राथमिकतामा राखेर सबै जसो विपद्मा सहकार्य र सहयोगको नेतृत्व गर्दै आएका पूर्व अध्यक्ष शम्भु घिमिरेको नेतृत्वमा थाम चउर पुगेको टोलीले पीडितहरूका लागि लगिएको राहत साम्राग्रि एक द्वार प्रणाली मार्फत स्थानीय सरकारलाई हस्तान्तरण गरिएको पनि घिमिरेले जानकारी दिनु भयो ।
लायन्स क्लब इन्टरनेशनल नामक संस्था मानवीय सेवा गर्ने अन्तर्राष्ट्रिय संस्था भएकोले यहाँका पहिरो पीडितलाई केही सहज होस भन्ने उद्देश्यले मानवीय सेवाको भावनाले राहत सामाग्रीहरू प्रदान गरिएको भन्दै दोरम्बा गाउँपालिकाका अध्यक्ष मैन कुमार मोक्तानले मोक्तानले घिमिरे नेतृत्वको संस्थालाई धन्यवाद पनि दिनुभयो । उहाँले भन्नु भयो पालिकाले प्राप्त राहत सामाग्रीको सक्दो सदुपयोग गरेर पीडित समक्ष पुर्याउने छ ।
सो क्रममा नेतृत्वकर्ता लायन्स क्लब इन्टरनेशनलका पूर्व अध्यक्ष शम्भुप्रसाद घिमिरेले दोरम्बा सैलुङ गाउँपालिका बाहेक जिल्लाका प्रकोप पीडित गोकुलगंगा गाउँपालिका–६ फर्पु र लिखुतामाकोशी गाउँपालिकाको समेत कुल १ सय ४१ घर परिवार पहिरो पीडितका लागि १५ लाख रुपैयाँ भन्दा बढी रकम बरावरका राहत सामाग्री ल्याइएको जानकारी पनि दिनु भयो । घिमिरेले अन्य पीडितहरूका लागि पनि केहिदीन भित्रै राहत सामाग्री पुर्याईने र गोकुलगंगा गाउँपालिका–६ फर्पु र लिखुतामाकोशी गाउँपालिकाका पहिरो पीडितलाई पहिलो प्राथमिकतामा राखिएको पनि घिमिरेले जानकारी दिनुभयो ।
रामेछापको दोरम्बा सैलुङ गाउँपालिका–३ टोकरपुर लेखर्क पहरी गाउँमा गत भदौ ९ गते बिहानीपख अविरल वर्षासँगै गएको पहिरोमा ११ जना पुरिएका थिए । पुरिएका मध्ये एक जनाको भने जीवितै उद्धार गरिएको थियो ।
उक्त पहिरोमा वगेका मध्य ७ जनाको शव भेटिएको छ भने दुई जना अझै बेपत्ता छन् । पहिरोका कारण पहरी गाउँका ६५ परिवार विस्थापित भएका छन् । भदौ ९ गते रातिकै वर्षापछि गाउनै पहिरोको जोखिममा परेपछि दोरम्बा सैलुङ गाउँपालिका–१ डुडुवाका विभिन्न ठाउँका ४३ परिवार अहिले त्रिपालमुनि बसिरहेका छन् ।
यस्तै गत साउन १० गते साँझ गोकुलगंगा गाउँपालिका–६ फर्पुमा पहिरोले घर भत्काउँदा एउटै घरमा तीन जना किशोरीको ज्यान गएको थियो । लिखुतामाकोशी गाउँपालिकाको पनि यो वर्षको वर्षामा विभिन्न ठाउँमा पहिरोका कारण केही घरपरिवार विस्थापित भएका छन् ।
यो बारेमा तपाईको प्रतिकृया