मन्थली,२० बैशाख । विश्व प्रेस स्वतन्त्रता दिवसको अवसर पारेर आज शनिवार नेपाल पत्रकार महासंघ रामेछाले स्वाथ्य परीक्षण तथा रक्तदान कार्यक्रमको आयोजना गरेको छ ।
यस अघि चैत्र १७ गते परेको नेपाल पत्रकार महासंघको स्थापना दिवसका अवसरमा तोकिएको कार्यक्रम पत्रकार सुरेश रजकको मृत्यू पछि रोकिएकोले आज विश्व प्रेस स्वतन्तता दिवसको अबसर परेर आयोजना गरिएको पत्रकार महासंघ रामेछापका अध्यक्ष दिपक घिमिरेले बताउनुभयो ।
उहाँले पत्रकारहरु पनि सामाजिक उत्तरदायित्वका कामहरु गर्छन भन्ने सन्देश दिनका लागि नेपाल रेडक्रस सोसाइटी सँगको समन्वयमा रक्तदान र पत्रकार महासंघ आफ्ना सदस्यहरुको स्वास्थ्य प्रति संबेदन सिल छ भन्ने कुराका लागि जिल्ला जनस्वास्थ्य कार्याल रामेछापको समन्वयमा स्वस्थ्य परिक्षणको आयोजना गएिको पनि बताउनुुभयो
मन्थली नगर अस्पतालमा आयोजना गरिएको उक्त कार्यक्रमका अबसरमा मन्थली नगर अस्पतालका मेडिकल सुपरिटेन्डेन्ट डा केशव सिं धामीले नगर २५ शैयाको नगर अस्पताललाई स्तरोन्नति गरी ५० शैयाको बनाउने तयारी भैरहेको बताउनुभयो । उहाँले दरवन्दि अनुसारका कर्मचारी हरु नहुँदा र अस्पतालमा चिकित्सकहरु लामो समयसम्म नटिक्दा सेवा प्रवाहमा कठिनाई भैरहेको पनि बताउनुभयो ।
कार्यक्रम पछि आफु सँग सहकार्य गर्ने मन्थली नगर अस्पाताल, जिल्ला जनस्वास्थ्य कार्यालय रामेछाप र नेपाल रेडक्रस सोसाईटी रामेछापलाई नेपाल पत्रकार महासंघले प्रसंशा पत्र प्रदान गरेको थियो भने रक्तदान गर्ने पत्रकारहरुलाई नेपाल रेडक्रस सोसाइटिले सम्मान पत्र प्रदान गरेको थियो ।
यो बारेमा तपाईको प्रतिकृया