रामेछाप,८ कार्तिक । मन्थली नगरपालिका वडा नं–७ भटौलीमा मंगलवार सम्पन्न दोस्रो भटौली वडा कप अन्तर्गत खुल्ला अन्तर वडा स्तरीय पुरुष भलिबल प्रतियोगिताको उपाधि भटौली स्टार क्लव “ए” ले जितेको छ ।
खेलकुद बिकास समिति मन्थली न पा वडा नं–७ को आयोजनामा सोमवार बाट सुरु भएको उक्त खेलका बिजेतालाई प्रथम पुरस्कार वापद नगद ३० हजार सहित शिल्ड मेडल र प्रमाणपत्र,द्वितिय हुने भटौली स्टर क्लब “बि” लाई नगद २० हजार सहित शिल्ड मेडल र प्रमाणपत्र र तृतिय हुने मुगिटार स्टार क्लव लाई नगद रु १० हजार सहित शिल्ड मेडल र प्रमाणपत्र वडा अध्यक्ष भुवनहरी प्रसाइले बितरण गर्नु भएको थियो ।
त्यसैगरी सान्त्वना हुने मितेरी युवा क्लव थाक्लेले नगद ५ हजार र शिल्ड प्राप्त गरेको थियो । खेलकुद बिकास समिति म न पा–७ का संयोजक मानोज माझीको अध्यक्षतामा सम्पन्न उक्त खेलको उद्घाटन सोमवार मन्थली नगरपालिकाका प्रमुख लव श्रेष्ठले गर्नु भएको थियो ।
सो अबसरमा महिला र अग्रज खेलाडिहरुको समेत अप्रतियोगी खेल प्रदर्शन गरिएको खेलकुद संयोजक मनोज माझिले जानकारी दिनुभयो ।
यो बारेमा तपाईको प्रतिकृया