रामेछाप,२१ कार्तिक । रामेछापको मन्थली नगरपालिका वडा नं ९ का लक्ष्मण सेन्चुरीले गिनिज वुकमा नाम लेखाउने उदेश्यले घुडामा वल च्यापेर ११ पटक उल्टी जम्प गरेका छन् ।
विभिन्न सञ्चारमाध्यमहरु प्रायोजक रहेको उक्त खेल दर्शकहरुका माझ सोमवार जिल्ला समन्वय समितिको प्रङ्गडमा प्रदर्शन गरिएको थियो ।
निरन्तर तरिकाले खुट्टाले वल च्यापेर उल्टी जम्प गर्ने यो दुर्लभ र जोखिम पूर्ण खेल मानिन्छ । सेन्चुरीले उक्त खेल २० सेकेन्डमा पार गरेका थिए ।
आफुले गिनिज वुकमा नाम लेखेर विश्व कृतिमान राख्दै नेपाल को गौरवतालाई बृद्धि गर्ने उद्देश्यका साथ आफु विगत देखिनै यस खेलमा लागेको उनले वताए ।
यस अघि अन्यत्र देशका खेलाडिहरुले यस्तो खेलमा १० पटक सम्म उल्टी जम्प गर्ने गरेको भएपनि आफुले ११ पटक गरेकोले आफ्नो नाम गिनिज बुकमा लेखिने दावी पनि उनले गरे।
उल्टी जम्प १२ पटक पुरागर्नै लाग्दा वल भुइमा खसेको थियो ।
यो बारेमा तपाईको प्रतिकृया