रामेछापका जेन जी आन्दोलनमा १४ जना घाइते ,प्रशासनद्धारा परिचय – पत्र दिने तयारी

रामेछाप । गत भदौ २३ र २४ गते राजधानी काठमाडौंमा भएको जेन जी आन्दोलनका क्रममा घाइते भएका युवाहरुलाई जिल्ला प्रशासन कार्यालय रामेछापले परिचय पत्र वितरण गर्ने भएको छ । गृह मन्त्रालयबाट प्राप्त निर्देशन र उपलब्ध तथ्यांकका आधारमा प्रशासनद्धारा रामेछापका विभिन्न पालिकामा ठेगाना भएका १४ जना घाइतेहरुलाई परिचय पत्र प्राप्त गर्नका लागि जिल्ला प्रशासन कार्यालयले सूचना जारी गरेको छ ।जिल्ला प्रशासन कार्यालय रामेछापले एक सूचना मार्फत मंगलबार १४ जना जेन्जी आन्दोलनका घाईते हरुलाई आ आफनो परिचय सहित स्थानिय वडा कार्यालयको सिफारीस लिएर कार्यालयमा उपस्थिति हुनका लागि आग्रह गरेको ह
कार्यालयको तर्फबाट प्रशासकिय अधिकृत प्रकाश प्रधानले हस्ताक्षर गर्नुभएको सूचनामा घाइतेहरूको ठेगाना र उनिहरुको नामावली समेत उल्लेख गरेर कार्यालयमा सम्पर्क गर्न आग्रह गरेको छ । रामेछाप घर भई आन्दोलनका क्रममा काठमाडौमा घाईते भएका हरुमा विशाल तामाङ, बम बहादुर खत्री, सन्देश तामाङ, कुशल केसी, युवराज श्रेष्ठ, सुभाष श्रेष्ठ, धन नारायण श्रेष्ठ, जीवन बोगटी, सुमन श्रेष्ठ, प्रबिन तामाङ, रामकृष्ण खड्का, श्रवन श्रेष्ठ र राजेश बुढाथोकी रहेको पनि प्रशासनको सूचनामा उल्ल्ोख गरिएको छ ।
सूचनामा घाईतेहरुलाई परिचयपत्र प्राप्त गर्नका लागि आफू उपचार अवस्थामा रहेको अस्पतालको प्रमाणीत कागजात,नागरिकताको प्रमाणपत्र र सम्बन्धित वडाको सिफारिसपत्र लिएर जिल्ला प्रशासन कार्यालयमा सम्पर्क गर्न पनि आग्रह गरिएको छ । उनिहरुलाई परिचय पत्र बितरण पश्चात गृह मन्त्रालयबाट निर्णय भएर पठाएको राहत रकम समेत वितरण गरिने कुरा पनि कार्यालयको सूचनामा उल्लेख गरिएको छ ।