रामेछाप १६ पुष । सदरमुकाम मन्थली बजारमा कृयाशिल रहेको दिदीबहिनी महिला बचत तथा ऋण सहकारी संस्थाले आफनो १६ औँ वार्षिक साधारणसभा सम्पन्न गरेको छ । उक्त साकोसले शनिबार मन्थली नगर पालिकाकी उप प्रमुख ईश्वरी बस्नेतको प्रमुख आतिथ्यतामा भव्य र सभ्यताका साथ साधारण सभा सम्पन्न गरेको हो ।
कार्यक्रमलाई सम्बोधन गर्दे प्रमुख अतिथि बस्नेतले साधारण सभाका अबसरमा संचालक र शेयर सदस्य सबै दिदी बैनीहरुलाई शुभकामना दिनु हुदै साकोसको संस्थागत विकासका लागि आफुले पनि सहयोग गर्न तयार रहेको बताउनु भयो ।उहाँले भन्नु भयो सदरमुकाममा रहेको एकमात्र महिलाहरुको सहकारीको विकासलाई सृजनशिलता र सिपमा जोडेर महिलाहरुलाई स्वआर्जन तर्फ सिप मुलक तालिम तर्फ उन्मुख गराउँदै अघि बढ्न पनि नेतृत्वलाई सुझाउनु भयो ।
दिदी बैनि साकोसको सहकारी अभियानले उनिहरुको क्षमता तथा नेतृत्व विकासमा पनि निकै सहयोग पुगेको भन्दै यसको विकासका लागि नगरपालिकाले पनि सहयोग गर्ने तत्पर रहेको पनि बताउनु भयो ।
साकोसकि अध्यक्ष सोविता न्यौपानेको अध्यक्षता र सचिब कल्पना सत्यालको संचालनमा भएको उक्त कार्यक्रममा बोल्ने सबैजसो बक्ताहरुले संस्थाले हाल सम्म गरेको कामको प्रशंसा गर्नु हुँदै संस्थालाई यस ठाउँमा ल्याउनका लागि सहयोग तथा योगदान गर्नुहुने अगुवा दिदी बहिनीको भुमिका प्रति धन्यवाद दिनु भएको थियो । कार्यक्रममा नेपाल पत्रकार महासंघका अध्यक्ष वद्री नयाँघरे,जिल्ला बचत संघका उपाध्यक्ष शिव राज श्रेष्ठ,नेफस्कुन फिल्ड कार्यालय रामेछापका प्रमुख सुर्य बहादुर थापा,संस्थाकि उपाध्यक्ष लक्ष्मी थापा,शेयर सदस्य शान्ता सुवेदी लगाएतका बक्ताहरुले पनि सम्बोधन गर्नु भएको थियो ।
साधारण सभाले सचिब कल्पना सत्यालद्धारा प्रस्तुत साँगठनिक प्रतिबेदन,कोषाध्यक्ष एशोदा घिमिरेद्धारा प्रस्तुत आर्थिक प्रतिबेदन र लेखा सुपरिबेक्षण समितिका संयोजक पार्वति पाठकले प्रस्तुत गर्नु भएको लेखा समितिको प्रतिबेदन पनि पारीत गरेको छ ।
२०६९ सालमा २५ जना महिला हरुले शुरु गरेको उक्त साकोसमा हाल ३ सय ३१ जना शेयर सदस्य पुगेको जानकारी पनि सो अबसरमा गरार्ईएको थियो । आफुलाई संस्थागत विकासमा अब्बल बनाउने अधियानमा रहेको उक्त साकोसले यस बर्ष कुल १ लाख ४१ हजार ३ सय रुपैयाँ मुनाफा गर्न सफल भएको पनि कोषाध्यक्षको प्रतिवेदनमा उल्ल्ोख गरिएको छ । त्यसैगरि संस्थाको कुल निक्षेप ४६ लाख ५० हजार ९ सय ७८ रुपैयाँ र कुल लगानी ४० लाख १५ हजार रुपैयाँ रहेको पनि सो अबसरमा जानकारी गराईएको थियो ।
साधारण सभाका अबसरमा संस्थागत विकासमा आरम्भबाटै सहयोग पुर्याए वापत संस्थापक अध्यक्ष कविता सुवेदी,संस्थापक उपाध्यक्ष कोपीला घिमिरे र जेष्ठ सदस्य मध्यबाट बद्रीका भुजेललाई प्रमुख अतिथी बस्नेतले दोसल्ला र सम्मानपत्र द्धारा सम्मान गर्नु भएको थियो ।
यो बारेमा तपाईको प्रतिकृया