रामेछाप– रामेछाप नगरपालिकाका नगर प्रमुख नर बहादुर थापामगरले नगर भित्रका विभिन्न विद्यालयमा केही व्यक्तिका व्यक्तिगत स्वार्थका कारण गुणस्तरिय शिक्षा प्राप्त हुन नसकेको गुनासो गर्नु भएको छ । बिहिबार गौरीशंकर माध्यमिक विद्यालयको ५६ औँ वार्षिक उत्सव कार्यक्रममा बोल्दै नगर प्रमुख थापामगरले गुणस्तरिय शिक्षा प्राप्त गर्न सबै लाग्नु पर्ने भएपनि केही व्यक्ति नीजि स्वार्थमा लागेका कारण नगरका विद्यार्थीहरुले पूर्ण रुपमा गुणस्तरीय शिक्षा प्राप्त गर्न नसकेको गुनासो गर्नुभएको हो ।
नगरको शैशिक्ष गुणस्तर विना कुनै पनि विकास अगाडि बढ्न नसक्ने हुँदा शिक्षक, अभिभावक, स्थानीय जनप्रतिनिधी, राजनीतिक दल, विद्यार्थी लगायतले शैक्षिक गुणस्तरको लागि सहयोग गर्नु पर्नेमा नगर प्रमुख थापामगरको जोड रहेको छ ।
गौरीशंकर माध्यमिक विद्यालय व्यवस्थापन समितिका अध्यक्ष पुर्ण बहादुर मगरको अध्यक्षता तथा रामेछाप नगरपालिकाका नगर प्रमुख नर बहादुर थापा मगरको प्रमुख आतिथ्यतामा भएको कार्यक्रममा विद्यालयले हालसम्म गरेका काम र हाँसिल गरेका उपलब्धीको बारेमा जानकारी गराईएको छ । विद्यालयलाई योगदान पुर्.याउने विभिन्न संघसंस्था र व्यक्तिहरुलाई सम्मान गरिएको छ । कार्यक्रममा पुर्व विद्यार्थी, शिक्षक, अभिभावक, विद्यार्थी, स्थानीय जनप्रनिधि, शिक्षा प्रेमी, समाजसेवी लगायतको सहभागिता रहेको थियो ।
यो बारेमा तपाईको प्रतिकृया