श्रीधर घिमिरे, रामछाप- आगामी आर्थिक बर्ष २०७७/७८ का लागि मन्थली नगरपालिकाले कुल १ अर्ब ७ करोड ३९ लाख ७७ हजार ७ सय ३८ रुपैया बिनियोजन गरेको छ । बुधबार सम्पन्न मन्थली नगरपालिकाको सातौं नगरसभाले उक्त बजेट पारित गरेको हो ।
जस मध्ये आन्तरिक चालु तर्फ रु १२ करोड ६० लाख र शसर्त चालु तर्फ ५४ करोड एवं शसर्त र निशर्त आयोजना तथा कार्यक्रम तर्फ पूजिगत समेतको लागि चालिस करोड ४० लाख रकम बिनियोजन गरिएको उपप्रमुख मायाकुमारी कार्कीले कार्यक्रमका अबसरमा जानकारी गराउनुभयो ।
आगामी आर्थिक बर्षको लागि प्रस्ताबित नीति तथा कार्यक्रम पनि नगरसभाले पास गरेको छ । जस अन्तर्गत स्थानीय राजस्व संकलन तथा परिचालन, आर्थिक बिकास (कृषि, पशुसेवा, सहकारी, उद्योग बाणिज्य तथा बित्तिय क्षेत्र, रोजगारी प्रबद्र्धन, पर्यटन, भु–ब्यवस्था) सामाजिक बिकास अन्तर्गत शिक्षा तथा संस्कृति, खेलकुद, स्वास्थ्य, खानेपानी, लक्षित वर्ग सामाजिक सुरक्षा रहेका छन् भने पूर्वाधार, बातावरण तथा बिपद ब्यवस्थापन, सार्बजनिक सेवा सुशासन तथा क्षमता बिकास, कानून तथा न्याय, समन्वय तथा साझेदारी, लगाएतका क्षेत्रहरु आगामी बर्षको नीती तथा कार्यक्र भित्र परेका छन् ।
उक्त क्षेत्र सँगसगै नगरपालिकाले सम्पादन गर्ने कार्य सेवा र सूचनाहरु जनता सामु पु¥याउने र जनताका समस्या गुनासा र सुझाब नगर समक्ष ल्याउने कार्यमा सञ्चार क्षेत्रको महत्वपूर्ण भुमिका हुने भएकोले सञ्चार क्षेत्रको बिकासमा आबश्यक सहयोग र सहकार्य गर्नका लागि उत्कृष्ठ सञ्चारकर्मी र उत्कृष्ठ सञ्चार गृह लाई सम्मान गर्न तथा स्थानीय सञ्चार माध्यम र प्रकाशन गृहको संरक्षण र प्रर्बद्धनका लागि आबश्यक बजेट बिनियोजन गरिएको नगर प्रमुख रमेश कुमार बस्नेतले जानकारी गराउनु भयो ।
सातौं नगरसभाले उक्त नीति तथा कार्यक्रम पास गर्नुका साथै अर्थ सम्बन्धी बिधेयक, बिनियोजन बिधेयक पारित गरेको छ भने चालु आ ब मा भएका आम्दानी र खर्च समेत अनुमोदन गरेको छ ।
यो बारेमा तपाईको प्रतिकृया