रामेछाप उद्योग वाणिज्य संघको निर्वाचनमा अध्यक्ष बाहेक सबै पद निर्विरोध

रामेछाप १० फागुन । आगामी चैत २० गते हुन लागेको रामेछाप उद्योग वाणिज्य संघको अधिवेसनको निर्वाचन प्रयोजनका लागि अध्यक्ष बाहेकका सबै पद सर्ब सम्मत भएका छन् । सँघको नेतृत्वलाई निर्विरोध बनाउनका लागि ब्यावसायीहरुले गरेको लामो प्रयासका बावजुद अध्यक्ष बाहेकका सबै पदमा सर्व सम्मत उमेद्वारी परेको हो । बाणिज्य सँघमा नयाँ नेतृत्वलाई निर्विरोध बनाउनका लागि ब्यवसायीहरुले गरेको पहल स्वरुप तीन वटा राजनितिक दलहरुका तर्फबाट सहमतिका आधारमा अध्यक्ष वाहेकको सबै पदमा सर्व सम्मत उमेद्वारी परेको थियो ।
अध्यक्ष पदका लागि निर्वतमान महासचिव कुमार श्रेष्ठले गठबन्धन विरुद्ध स्वतन्त्र रुपमा आफनो उमेद्वारी दर्ता गरेपछि अध्यक्ष पद भने निर्विरोध हुन सकेन । सँघको अध्यक्ष पदक लागि भने निर्वतमान बरिष्ठ उपाध्यक्ष प्रकाश श्रेष्ठले नेपाली काँगेस ,नेकपा एमाले र नेकपा समेतको टीमको समर्थनमा र निर्वर्तमान महासचिब कुमार श्रेष्ठले अध्यक्ष पदमा स्वतन्त्र उमेद्वारी दिएका छन् । जसका कारण अध्यक्ष पद भने निविरोध हुन सकेन । आगामी २० गतेका लागि सँघले निर्वाचन कार्यतालीका तय गरि मँगलबार मनोनयनको मिति तय गरेको निर्वाचन समितिले जनाएको छ ।
हरेक पटकको अधिवेसनमा छुट्टा छुट्टै नेतृत्वमा होमिदै आएका ब्यवसायीहरुले यो पटक भने तीन दलिय सँयुक्त मोर्चा बनाएर नेतृत्वलाई सबै सम्मत बनाउने प्रयत्न गरेका थिए । दल निकट व्यवसायीको टिममा आफु नअटाएपछि व्यवसायी कुमार श्रेष्ठले अध्यक्ष पदमानै आफुले उम्मेदवारी दिएको र निर्वाचन बाट जितेर देखाउने धारणा ब्यक्त गरे ।
सहमतिका अधारमा बनाईएको प्यानलमा नेपाली काँग्रेस, नेकपा (एमाले) र नेपाली कम्युनिष्ट पार्टी (नेकपा) का व्यवसायीको साझा टिम बनेको थियो । अध्यक्षसहित १५ पदको लागि हुन गईरहेको निर्वाचनमा अध्यक्ष बाहेक अन्य सबै पद आजै निविरोध भएको घोषणा निर्वाचन समितिले गरेको छ ।
सँयुक्त प्यानलको महासचिवमा यज्ञ प्रसाद सुवेदी, वरिष्ठ उपाध्यक्षमा आकाश रिजाल, वाणिज्य उपाध्यक्षमा सुरेश उदास, उद्योग उपाध्यक्षमा राम सुदिश शाह सोनार, सचिवमा सिताराम लोहार, कोषाध्यक्षमा झनकबहादुर बुढाथोकी –उत्तम) निर्विरोध निर्वाचित भएका हुन् ।
त्यसैगरि आजीवन कार्यसमिति सदस्यमा यस अगाडि सदस्य रहेका वासुदेव फुयाँल, महिला सदस्यमा पहिलो पटक मञ्जु माझीले अवसर पाउँदा खुल्ला सदस्यमा क्रमशः श्याम कुमार श्रेष्ठ, किशोर पौडेल, सुरोज कुमार तामाङ, देवचन्द्र कठेत र राजु श्रेष्ठले निर्विरोध भएका छन् । संघको एसोसियट सदस्यमा टिकाराज आरणले प्रबेस पाएको निर्वाचन समितिले जनाएको छ ।