रामेछाप- गोकुलगंगा गाउँपालिका वडा नम्बर २ ठोसेमा नेपाली काग्रेसले दशैंको शुभकामनासँगै जेष्ठ नागरिकलाई सम्मान गरेको छ । नेपाली काग्रेस ठोसे इकाई समितिले शुक्रबार आयोजना गरेको चियापन तथा शुभकामना कार्यक्रममा ठोसेका ७५ वर्ष माथीका पाँच जना जेष्ठ नागरिकलाई सम्मान गरेको हो ।
गोकुलगंगा गाउँपालिका वडा नम्बर २ ठोसेका काग्रेस वडा सभापति एवं गिरिजा प्रसाद कोइराल फाउण्डेशन रामेछाप प्रदेश सभा ‘क’ का अध्यक्ष सुन्दार कुमार कार्कीको अध्यक्षतामा भएको कर्यक्रममा ठोसेका ललित बहादु खड्का, खड्ग बहादुर कार्की, हरि बहादुर कार्की, भक्ती माया खड्का र जनक बहादुर कार्कीलाई दोसल्ला ओढाएर सम्मान गरिएको थियो । सम्मानित हुने जेष्ठ नागरिकलाई कार्यक्रमकी प्रमुख अतिथि एवं गिरिजा प्रसाद कोइराला फाउण्डेशन रामेछापकी सदस्य कल्पना खड्का कार्कीले दोसल्ला ओढाएर सम्मान गर्नुभएको थियो ।
कार्यक्रममा सहभागिहरुले एक अर्कामा दशैको शुभकामना समेत आदन–प्रदान गरेका छन् । कार्यक्रम गिरिजा प्रसाद कोइराला फाण्डेशन रामेछापका जिल्ला अध्यक्ष दीपक खड्काको प्रमुख आतिथ्यता तथा नेपाल तरुण दल रामेछापका अध्यक्ष काजी बहादुर खड्का (दिनेश) को विशिष्ठ आतिथ्यतामा हुने भनिए पनि प्राविधिक कारण उहाँहरु आउन नसक्दा फाउण्डेशनकी जिल्ला सदस्य कल्पना खड्का कार्कीको प्रमुख आतिथ्यतामा गरिएको अध्यक्ष कार्कीले जानकारी दिनुभयो । उहाँका अनुसार कार्यक्रममा खड्का द्वोय आउन नसके पनि उहाँहरुले पठाउनुभएको शुभकामना सन्देश सबैलाई पढेर सुनाईएको छ ।
यो बारेमा तपाईको प्रतिकृया